ວັນລົງນາມຍຸຕິສົງຄາມເກົາຫລີ

ວັນນີ້ໃນອະດີດ! ວັນທີ 27 ກໍລະກົດ 1953 ເປັນວັນສິ້ນສຸດຂອງສົງຄາມເກົາຫລີ ໂດຍມີສະຫະລັດອາເມລິກາ, ສປ ຈີນ, ສປປ ເກົາຫລີ ແລະ ສ ເກົາຫລີ ລົງນາມໃນຂໍ້ຕົກລົງສະຫງົບເສິກ ພາຍໃຕ້ຂໍ້ຕົກລົງສະຫງົບເສິກຂອງເກົາຫລີ ໄດ້ສ້າງເຂດປົດທະຫານເກົາຫລີ (DMZ) ເພື່ອແບ່ງແຍກ 2 ເກົາຫລີ ແລະ ອະນຸຍາດໃຫ້ສົ່ງນັກ ໂທດກັບຄືນ. ແນວໃດກໍຕາມສົນທິສັນຍາສັນຕິພາບບໍ່ໄດ້ລົງນາມ ແລະ ທັງສອງປະເທດເກົາຫລີຍັງເຮັດສົງຄາມກັນຢູ່ ແລະ ມີສ່ວນຮ່ວມໃນຂໍ້ຂັດແຍ່ງທີ່ຖືກເຊື່ອງຊ່ອນເອົາໄວ້.

ເດືອນເມສາ ປີ ຄ.ສ 2018 ຜູ້ນຳ ສປປ ເກົາຫລີ ແລະ ສ ເກົາຫລີໄດ້ພົບກັນທີ່ເຂດບໍ່ມີທະຫານຂອງເກົາຫລີ ແລະ ເຮັດຂໍ້ຕົກລົງທີ່ຈະເຮັດວຽກຮ່ວມກັນພາຍໃຕ້ສົນທິສັນຍາເພື່ອຍຸຕິສົງຄາມເກົາຫລີຢ່າງເປັນທາງການ, ແຕ່ກໍຕ້ອງໄດ້ຍຸຕິລົງເນື່ອງຈາກມີຜູ້ຫັກຫລັງຢູ່ ສ ເກົາຫລີ ໂດຍໂຄສະນາຊວນເຊື່ອໂຈມຕີລັດຖະບານສປປ ເກົາຫລີ ແລະ ທ່ານ ກິມ ຈອງ ອຶນ ຜູ້ນຳສປປ ເກົາຫລີ ປັດຈຸບັນ ສົ່ງຜົນເຮັດໃຫ້ສປປ ເກົາຫລີ ລະເບີດສຳນັກງານຮ່ວມຂອງສອງເກົາຫລີ ເມືອງແຄຊອງ ເຊິ່ງເປັນເມືອງທີ່ຢູ້ໃກ້ຊາຍແດນລະຫວ່າງ ສປປ ເກົາຫລີ ແລະ ສ ເກົາຫລີຈາກເຫດການຄັ້ງນີ້ເຮັດໃຫ້ສອງຊາດຕ້ອງກັບເຂົ້າສູ່ຄວາມຕຶງຄຽດອີກເທື່ອໜຶ່ງເຊິ່ງອາດຈະນຳໄປສູ່ສົງຄາມເກົາຫລີ ເທື່ອໃໝ່.

ສົງຄາມເກົາຫລີເປັນໜຶ່ງໃນຄວາມຂັດແຍ່ງທີ່ມີການທຳລາຍຫລາຍທີ່ສຸດໃນຍຸກປັດຈຸບັນ ໂດຍມີຜູ້ເສຍຊີວິດຈາກສົງຄາມປະມານ 3 ລ້ານຄົນ ແລະ ພົນລະເຮືອນເສຍຊີວິດທັງໝົດໃນອັດຕາສ່ວນຫລາຍກວ່າສົງຄາມໂລກຄັ້ງທີສອງ ຫລື ສົງຄາມຫວຽດນາມ ເຮັດໃຫ້ເກີດການທຳລາຍເມືອງສຳຄັນຕ່າງໆຂອງເກົາ ຫລີທັງໝົດ. ການສັງຫານນັບພັນຄົນຂອງທັງສອງຝ່າຍ ລວມໄປເຖິງການສັງຫານໝູ່ນັບໝື່ນຄົນຂອງຜູ້ທີ່ຕົກເປັນຜູ້ຕ້ອງສົງໄສວ່າເປັນພວກກອມມິວນິດໂດຍລັດຖະບານສ ເກົາຫລີ ແລະ ການທໍລະມານຈາກຄວາມອຶດຫິວຂອງຊະເລີຍເສິກໂດຍກອງບັນຊາການສປປ ເກົາຫລີ ແລະ ສປປ ເກົາຫລີກາຍເປັນປະເທດທີ່ຖືກຖິ້ມລະເບີດຢ່າງໜັກໜ່ວງທີ່ສຸດໃນປະຫວັດສາດ.