ປະກາດຫາເຈົ້າຂອງລົດທີ່ປກສ ແຂວງວຽງຈັນຢຶດໄດ້

ວັນທີ 22 ກໍລະກົດ 2022 ນີ້ ປກສ ແຂວງວຽງຈັນອອກແຈ້ງເຖິງພະນັກງານ, ທະຫານ-ຕໍາຫຼວດ, ພໍ່ຄ້າຊາວຂາຍ, ຕະຫຼອດຮອດພໍ່ແມ່ປະຊາຊົນບັນດາເຜົ່າ ໃນຂອບເຂດທົ່ວປະເທດຊາບວ່າ: ໃນວັນທີ 6 ພຶດສະພາ 2022 ຜ່ານມາ, ເຈົ້າໜ້າທີ່ວິຊາສະເພາະ ກອງບັນຊາການ ປກສ ແຂວງວຽງຈັນ ໄດ້ກັກລົດຈັກຈໍານວນ 3 ຄັນ ຄື: ລົດຈັກຍິ່ຫໍ້ ຮອນດາຄິກໄອ 125 ສີດໍາ, ຮອນດາຊຸມເມີເອັກ ສີດໍາ ແລະ ຮອນດາຢາມາຮ່າ R15 ສີຂຽວ. ດັ່ງນັ້ນ, ຈຶ່ງແຈ້ງການເຖິງບຸກຄົນ, ນິຕິບຸກຄົນ ຖ້າຫາກສົງໃສ ຫຼື ມີເອກະສານຢັ້ງຢືນວ່າເປັນລົດຂອງຕົນເອງ ໃຫ້ນໍາເອົາເອກະສານທີ່ກ່ຽວຂ້ອງມາພົວພັນນໍາ ກອງບັນຊາການ ປກສ ແຂວງວຽງຈັນ ໃນໂມງລັດຖະການ, ກໍານົດບໍ່ໃຫ້ກາຍ 60 ວັນ ນັບຈາກມື້ລົງລາຍເຊັນເປັນຕົ້ນໄປ ລາຍລະອຽດຕາມແຈ້ງການ.