ອີຣານ-ຣັດເຊຍ ລົງນາມການຮ່ວມມື ທາງດ້ານພະລັງງານ ມູນຄ່າ 40 ຕື້ໂດລາ
July 21, 2022 - 12:25 PM
ສຳນັກຂ່າວ VOVWORLD ລາຍງານຂ່າວວ່າ: ເມື່ອບໍ່ດົນມານີ້, ບໍລິສັດ ນ້ຳມັນ ອາຍແກັດສ ແຫ່ງຊາດ ອີຣານ (NIOC) ແລະ ກຸ່ມບໍລິສັດ ເຊື້ອເພີງ Gazprom ຂອງ ຣັດເຊຍ ໄດ້ລົງນາມ ໃນບົດບັນທຶກ ຊ່ວຍຈຳ ວ່າດ້ວຍ ການຮ່ວມມື ທາງດ້ານ ພະລັງງານ ທີ່ມີມູນຄ່າ 40 ຕື້ໂດລາ ສະຫະລັດ. ຂໍ້ຕົກລົງ ສະບັບນີ້ ຜູ້ອຳນວຍການ ຝ່າຍບໍລິຫານ (CEO) ຂອງ 2 ບໍລິສັດ ໄດ້ລົງນາມ ກົງກັບ ວັນທີ່ ທ່ານ ວາລາດີເມຍ ປູຕິນ (Vladimir Putin) ປະທານາທິບໍດີ ຣັດເຊຍ ເດີນທາງໄປມາ ເຕເຮຣານ ຢ່າງເປັນທາງການ ເພື່ອພົບປະສົນ ທະນາກັບ ຄູ່ຮ່ວມຕຳແໜ່ງ ອີຣານ ແລະ ຕວັກກີ. ນອກຈາກນີ້ Gazprom ຈະຊ່ວຍ NIOC ພັດທະນາ ບັນດາ ບໍ່ອາຍແກັດສ ຢູ່ Kish ແລະ North Pars ແລະ ບໍ່ນ້ຳມັນອີກ 6 ແຫ່ງ. Gazprom ຈະເຂົ້າຮ່ວມ ບັນດາໂຄງການ ນ້ຳມັນ ອາຍແກັດສ ແຫລວ (LNG) ແລະ ສ້າງທໍ່ສົ່ງ ນ້ຳມັນ ອາຍແກັດສ ໄປໃຫ້ ອີຣານ. ປັດຈຸບັນ, ອີຣານ ເປັນປະເທດ ສະສົມ ນ້ຳມັນ ອາຍແກັດສ ທຳມະຊາດ ໃຫຍ່ອັນດັບ2 ຂອງໂລກ, ຖັດຈາກ ຣັດເຊຍ, ແຕ່ບັນດາ ຄຳສັ່ງ ຂວ້ຳບາດ ຂອງ ສ.ອາເມລິກາ ໄດ້ກີດ ຂວາງ ປະເທດນີ້ ເຂົ້າເຖິງ ເຕັກໂນໂລຢີ ແລະ ເຮັດໃຫ້ ການພັດທະນາ ໃນຂົງເຂດ ສົ່ງອອກ ນ້ຳມັນ ອາຍແກັດສ ຊັກຊ້າລົງ.
