ປກສ ທ່າແຂກ ແຂວງຄຳມ່ວນ ຈັບກຸ່ມລັກລົດຈັກໄດ້ໄດ້ 10 ຄົນ ເກັບກູ້ລົດຄືນໄດ້ 15 ຄັນ

ຂ່າວໜັງສືພິມຄວາມສະຫງົບລາຍງານວັນທີ 21 ກໍລະກົດ 2022 ນີ້ວ່າ: ໃນໄລຍະ 3 ເດືອນຜ່ານມາ ປກສ ເມືອງທ່າແຂກ ແຂວງຄຳມ່ວນ ສາມາດມ້າງຄະດີລັກຊັບຂອງພົນລະ ເມືອງ 2 ເລື່ອງ ຈັບຕົວຜູ້ຮ່ວມຂະບວນ ການດຽວກັນໄດ້ 10 ຄົນ ຍິງ 1 ຄົນ ແລະ ສາມາດເກັບກູ້ລົດຈັກ ຄືນມາໄດ້ 15 ຄັນ ເພື່ອມອບຄືນ ໃຫ້ເຈົ້າຂອງເດີມ
ເລື່ອງທີ 1: ເຈົ້າໜ້າທີ່ສາມາດກັກຜູ້ ຖືກຫາໄດ້ 4 ຄົນ ຍິງ 1 ຄົນ ໃນວັນທີ 28 ພຶດສະພາ 2022, ພ້ອມ ທັງເກັບກູ້ລົດຈັກທີ່ພວກກ່ຽວລັກໄປນັ້ນຄືນມາໄດ້ຈຳນວນ 8 ຄັນ; ຜ່ານການສອບສວນ ຈຶ່ງຮູ້ວ່າຜູ້ຖືກຫາມີຄື:

1. ທ້າວ ວິໄລກອນ ຫຼື ເລ້ ອາຍຸ 28 ປີ ຢູ່ບ້ານໂພນພີມ ເມືອງແຂກ,
2. ນາງ ຕ່າຍ ແສງທອງ ອາຍຸ 25 ປີ, ປະຊາຊົນຢູ່ບ້ານສຸກສະຫວັນ ເມືອງ ທ່າແຂກ,
3. ທ້າວ ນ້ອຍ ຫຼື ຖັງ ອາຍຸ 44 ປີ, ຢູ່ບ້ານໂພນພິມ ເມືອງທ່າແຂກ,
4. ທ້າວຕຸ່ນ ອາຍຸ 21 ປີ, ຢູ່ບ້ານໂພນພິມ ເມືອງທ່າແຂກ.

ເລື່ອງທີ 2: ຈັບຕົວຜູ້ຖືກຫາໄດ້ທັງໝົດ 6 ຄົນ, ເກັບກູ້ລົດຈັກຄືນມາ ໄດ້ ຈຳນວນ 7 ຄັນ, ຜູ້ຖືກຫາມີຄື:
1. ທ້າວ ນອດ ຫຼື ແກ້ວ ອາຍຸ 24 ປີ ຢູ່ບ້ານຄອນສົງ ເມືອງປາກກະດິງ ແຂວງບໍລິຄຳໄຊ,
2. ທ້າວ ສອນເພັດ ຫຼື ເຕີ່ງ ອາຍຸ 22 ປີ, ຢູ່ບ້ານແກ້ງເຫຼັກ ເມືອງຍົມມະລາດ, 3. ທ້າວ ເຈມ ຫຼື ເລັກ ອາຍຸ 19 ປີ, ຢູ່ບ້ານປາກພຸງ ເມືອງຍົມມະລາດ,
4. ທ້າວ ໄໝ ອາຍຸ 19 ປີ, ຢູ່ບ້ານແກ້ງເຫຼັກ ເມືອງ ຍົມມະລາດ,
5. ທ້າວ ສາຍຍັນ ອາຍຸ 18 ປີ ຢູ່ບ້ານແກ້ງຫຼັກ ເມືອງຍົມມະລາດ,
6. ທ້າວ ເບັ້ນ ອາຍຸ 16 ປີ ຢູ່ບ້ານແກ້ງເຫຼັກ ເມືອງຍົມມະລາດ ແຂວງຄຳມ່ວນ.