ຜູ້ຂາຍຢາເສບຕິດທີ່ໃຫຍ່ທີ່ສຸດໃນອາຊີຕາເວັນອອກ ຖືກຈັບຢູ່ນະຄອນ ໂຮ່ຈິມິງ ສສ ຫວຽດນາມ

ເຈົ້າໜ້າທີ່ຕຳຫຼວດ ສ. ເກົາຫລີ ລາຍງານໃນວັນທີ 19 ກໍລະກົດນີ້ວ່າ: ໜຶ່ງໃນກຸ່ມຂາຍຢາເສບຕິດໃຫຍ່ ທີ່ສຸດໃນອາຊີຕາເວັນອອກສຽງໃຕ້ ຊື່ ກິມ ອາຍຸ 47 ປີ, ສັນຊາດ ສ. ເກົາຫລີ ຊຶ່ງເປັນເປົ້າໝາຍໄລ່ລ່າຂອງຕຳຫລວດສາກົນ(Interpol) ຖືກຈັບຢູ່ນະຄອນໂຮ່ຈິມິງ ຫວຽດນາມ ແລະ ຖືກສົ່ງກັບຄືນປະເທດໃນເວລາ 11:31 ໂມງວັນທີ 19 ກໍລະກົດນີ້.

ຜູ້ຕ້ອງຫາໄດ້ຄອບຄອງທາດອອກລິດເຊັ່ນ methamphetamine( ເຮໂຣອິນ)ຜ່ານລະບົບ Telegram ແຕ່ປີ 2018 ເປັນຕົ້ນມາ ແລະ ຖືກຈັບໃນວັນທີ 17 ກໍລະກົດນີ້ຢູ່ນະຄອນໂຮ່ຈິມິງ ພາຍຫລັງການປະ ສານງານກັນລະຫວ່າງກຳລັງຕຳຫຼວດຫວຽດນາມ ແລະ ສ. ເກົາຫລີ 3 ປີຜ່ານມາ.

ກິມ ໄດ້ຂາຍຢາເສບຕິດມີມູນຄ່າເຖິງ 7 ຕື້ວອນ ຫລື 5,3 ລ້ານໂດລາ ໂດຍມີເຄືອຂ່າຍສະໜອງຢາເສບຕິດໃຫ້ເກືອບ 20 ຫົວໜ່ວຍ ແລະ ລາວກໍເປັນເຄືອຂ່າຍຂາຍຢາເສບຕິດໃຫຍ່ທີ່ສຸດໃນອາຊີຕາເວັນອອກ ສຽງໃຕ້.