ເຈົ້າໜ້າທີ່ໄທຈັບຜູ້ລັກລອບຂົນກັນຊາຈາກຝັ່ງລາວ ແຕ່ຍ້ອນເສລີກັນຊາ ຈຶ່ງແຈ້ງຂໍ້ຫານຳເຂົ້າສິນຄ້າບໍ່ຜ່ານພາສີ

ສຳນັກຂ່າວຊ່ອງ 3 ຂອງໄທລາຍງານໃຫ້ຮູ້ວ່າ: ວັນທີ 19 ກໍລະກົດ 2022 ຜ່ານມານີ້ເຈົ້າໜ້າທີ່ ຮັກສາຄວາມເປັນລະບຽບຮຽບຮ້ອງຕາມລຳແມ່ນໍ້າຂອງ ຈັງຫວັດບຶງການ ປະເທດໄທ (ກົງກັນຂ້າມກັບແຂວງບໍລິຄຳໄຊ) ໄດ້ຈັບກຸມບຸກຄົນຕ້ອງສົງໄສຈຳນວນ 3 ຄົນ ທີ່ໃຊ້ລົດບັນທຸກຂະໜາດນ້ອຍຂົນສິນຄ້າ ຈຶ່ງໄດ້ທຳການກວດຄົ້ນ ໃນລົດບັນທຸກດັ່ງກ່າວ ພົບວ່າມີຊາແຫ້ງອັດແທ່ງ ນໍ້ານັກ 203 ກິໂລກຣາມ ທີ່ຂົນມາແຕ່ຝັ່ງລາວຜ່ານທາງເຮືອ.

ເຈົ້າໜ້າທີ່ງົງວ່າຈະຕັ້ງຂໍ້ຫາໃນສະຖານໃດ ເນື່ອງຈາກກັນຊາ ຖືກປົດອອກຈາກບັນຊີຢາເສບຕິດໄປແລ້ວ ໂດຍໄດ້ຕັ້ງຂໍ້ຫາເບື້ອງຕົ້ນ “ຮ່ວມກັນນຳເຂົ້າຂອງຕ້ອງຫ້າມ ຈຳກັດ (ພືດກັນຊາ) ເຂົ້າຣາຊະອານາຈັກໂດຍບໍ່ຜ່ານພາສີ” ເຊິ່ງມີໂທດຕິດຄຖກບໍ່ເກີນ 10 ປີ, ປັບໃໝ່ບໍ່ເກີນ 4 ເທົ່າຂອງພາສີນຳເຂົ້າ ເຖິງຢ່າງໃດກໍຕາມ ເຈົ້າໜ້າທີ່ເຮັດໄດ້ພຽງແຕ່ກັກຕົວຜູ້ຕ້ອງຫາໄວ້ກ່ອນ ສ່ວນລາຍລະອຽດດ້ານຄະດີຄວາມແມ່ນຕ້ອງໄດ້ພິຈາລະນາຕື່ມ.