ອິນໂດເນເຊຍ ຂູ່ລາອອກຈາກ AFF ໄປຮ່ວມສະຫະພັນບານເຕະຕາເວັນອອກ EAFF ຫລັງຈາກຖືກເມີນເສີຍກໍລະນີ U19 ໄທ-ຫວຽດນາມ
ເຖິງວ່າການແຂ່ງຂັນຊີງແຊ້ມອາຊຽນ U-19 ຈະຈົບລົງ ແຕ່ສຳລັບເຈົ້າພາບ ອິນໂດເນເຊຍ ທີ່ຕ້ອງຕົກຮອບທຳອິດໃນລາຍການນີ້ ເນື່ອງຈາກກົດເຮດທູດເຮດການພົບກັນລະຫວ່າງ ໄທ, ຫວຽດນາມ ແລະ ອິນໂດເນເຊຍ ທີ່ຍິງປະຕູໄດ້ຫນ້ອຍກວ່າໄທ ແລະ ຫວຽດນາມ ດັ່ງນັ້ນຈຶ່ງເຮັດໃຫ້ພວກເຂົາຕົກຮອບ
ການຕົກຮອບຄັ້ງນີ້ເຮັດໃຫ້ສະມາຄົມບານເຕະ ອິນໂດເນເຊຍ ຍື່ນຟ້ອງຕໍ່ສະຫະພັນບານເຕະອາຊຽນ (AFF), ເນື່ອງຈາກເຫັນວ່າທີມຊາດໄທ ແລະ ຫວຽດນາມ ບໍ່ສາມາດຫຼິ້ນເຕັມທີ່. ແຕ່ບັນຫາດັ່ງກ່າວທາງ AFF ຍັງເມີນເສີຍ ສົ່ງຜົນໃຫ້ ທ່ານ ໂມຊາມັສ ອີເຣຍວານ ປະທານສະຫະພັນບານເຕະອິນໂດເນເຊຍ ໄດ້ສະແດງຄວາມບໍ່ພໍໃຈຕໍ່ກັບເຫດການດັ່ງກ່າວ ແລະ ຂູ່ວ່າມີແຜນຈະອອກຈາກສະຫະພັນເພື່ອເຂົ້າຮ່ວມສະຫະພັນບານເຕະອາຊີຕາເວັນອອກ (EAFF) ແທນ.
“ພວກເຮົາຈະພິຈາລະນາເລື່ອງນີ້ຢ່າງລະອຽດ ແລະ ລະມັດລະວັງ, ແຕ່ພວກເຮົາຍັງລໍຖ້າຄໍາຕອບຈາກ AFF ກ່ຽວກັບເຫດການທີ່ເກີດຂຶ້ນອີກຄັ້ງ.”
ສຳລັບພາລະກິດຕໍ່ໄປຂອງທີມຊາດ U19 ຄືການແຂ່ງຂັນບານເຕະ U-20 ຊີງແຊ້ມອາຊຽນຮອບຄັດເລືອກ ເຊິ່ງລາຍການນີ້ ຈະໄດ້ຄັດເລືອກ 4 ຕົວແທນຈາກທະວີບອາຊີ ໄປແຂ່ງຂັນບານໂລກ U-20 ທີ່ປະເທດອິນໂດເນເຊຍ ໃນປີ 2023 ຕໍ່ໄປ.
ທີ່ມາ : https://www.facebook.com/423818771019594/posts/5180903775311046/?d=n
