ປກສ ເມືອງປາກງື່ມ ຈັບຜູ້ເຄື່ອນໄຫວໃຊ້ໝໍ້ໄຟຊັອດປາ

ວັນທີ 15 ກໍລະກົດ 2022 ຜ່ານມານີ້ ກອງບັນຊາການ ປກສ ເມືອງປາກງື່ມ ໄດ້ລົງຕິດຕາມເລາະລຽບຕາມລຳນໍ້າງື່ມ ຕົກມາເຖິງເວລາ 3:00 ໂມງເຊົ້າ ຂອງວັນທີ 16 ກໍລະກົດ 2022 ໄດ້ກວດກາພົບເຫັນບຸກຄົນທີ່ຫາປາດ້ວຍການໃຊ້ໄຟຊັອດ ພ້ອມອຸປະກອນຊັອດປາ 1 ເຄື່ອງ ຜູ້ກະທຳຜະດ ທ້າວ ສົມນຶກ ອາຍຸ 35 ປີ ອາຊີບເຮັດນາ ບ້ານນາບົງ ເມືອງປາກງື່ມ ນະຄອນຫຼວງວຽງຈັນ ດັ່ງນັ້ນເຈົ້າໜ້າທີ່ຈຶ່ງນໍາຕົວມາດຳເນີນຄະດີຕາມລະບຽບກົດໝາຍ.

ຕໍ່ຈາກນັ້ນເວລາຕໍ່ມາ ກໍໄດ້ກວດພົບເຫັນຄົນກຳລັງເຄື່ອນໄຫວຊັອດປາອີກ ຈຶ່ງໄດ້ເຂົ້າກວດກາ ແຕ່ຜູ້ຖືກສົງໄສ ໄຫວຕົວທັນຫຼົບໜີ ແລ້ວເຈົ້າໜ້າທີ່ໄດ້ເຂົ້າຄົ້ນເຮືອດັ່ງກ່າວ ພົບເຫັນປາ ພ້ອມເຄື່ອງຊອດປາ ແລະ ໝໍ້ໄຟ 1 ເຄື່ອງ ແລ້ວນໍາມາຮັກສາໄວ້ຢູ່ ກອງບັນຊາການ ປກສ ເມືອງປາກງື່ມ.

ຕໍ່ຜູ້ຖືກສົງໄສໄຫວຕົວຫຼົບໜີ ກອງບັນຊາການ ປກສ ປາກງື່ມ ສືບຕ່ໍນຳຕົວມາດຳເນີນຄະດີຕາມກົດໝາຍ.