ໂຣມາໂນ ຢືນຢັນ ເຊລຊີ ຄວ້າ ຄູລິບາລີ ເສີມຫລັງ

ເຊລຊີ ໄດ້ກອງຫລັງມາເສີມທີມແລ້ວ ຫລັງ ຟາບຣີຊີໂອ ໂຣມາໂນ ປະກາດວ່າ ເຊລຊີ ປິດການຊື້ຂາຍຄວ້າ ຄາລິດູ ຄູລີບາລີ ມາຈາກ ນາໂປລີ ລຸລ່ວງຮຽບຮ້ອຍແລ້ວ.

ໂຣມາໂນ ນັກຂ່າວບານເຕະຄົນດັງ ຜ່ານທະວິດເຕີວ່າ : ‘‘ ເຊລຊີ ໄດ້ບັນລຸຂໍ້ຕົກສຳເລັດສົມບູນຄ່າຕົວ 40 ລ້ານຢູໂຣ ລວມທັງເງິນສ່ວນເສີມຖືກຍອມຮັບ ນາໂປລີ ພວມກວດສອບເອກະສານແລ້ວຈາກນັ້ນຈະເປັນທາງການ ເຊິ່ງ ຄູລິບາລີ ຈະເຊັນສັນຍາໄລຍະຍາວ ພ້ອມຮັບຄ່າເມື່ອຍທີ່ 10 ລ້ານຢູໂຣ ຕໍ່ລະດູການ ’’.

ເຊລຊີ ດຶງກອງຫລັງທີມຊາດ ເຊເນກັລ ອາຍຸ 31 ປີ ເພື່ອເຂົ້າມາທົດແທນການຍ້າຍອອກໄປແບບບໍ່ມີຄ່າຕົວຂອງ ອັນໂຕນີໂອ ຣູດີເກີ ແລະ ອັນດຣຽສ ຄຣິສເຕນເຊັນ.

ກ່ອນຫນ້ານີ້ ເຊລຊີ ຕົກລົງຄວ້າ ຣາຮີມ ສະເຕີຣິງ ປີທີມຊາດອັງກິດມາຈາກ ແມນເຊສເຕີ ຊິຕີ ໄດ້ແລ້ວເຊັ່ນດຽວກັນ ດ້ວຍຄ່າຕົວ 47,5 ລ້ານປອນ ໂດຍເຫລືອພຽງເປີດຕົວຢ່າງເປັນທາງການເທົ່ານັ້ນ.