ເຈົ້າໜ້າທີ່ ໄດ້ຈັບກຸມແກ້ງລັກເຫຼັກລາງລົດໄຟ ໄດ້ແລ້ວ 9 ຄົນ
ວັນທີ 13 ກໍລະກົດ 2022 ນີ້ ຂ່າວໜັງສືພິມຄວາມສະຫງົບລາຍງານວ່າ: ໃນເດືອນມິຖຸນາ 2022 ຜ່ານມາ, ເຈົ້າໜ້າທີ່ກອງຄະດີອາຍາ ປກສ ເມືອງໄຊເສດຖາ ນະຄອນຫຼວງວຽງຈັນ ສົມທົບກັບ ປກສ ກຸ່ມ VI ໄຮ່ຄຳ ແລະ ຕຳຫຼວດໜ່ວຍງານທາງລົດໄຟ ໄດ້ນຳກຳລັງວິຊາສະເພາະລົງແກ້ໄຂ ແລະ ມ້າງກຸ່ມແກ້ງລັກເຫຼັກລາງລົດໄຟ ໄປດຳເນີນຄະດີ ແລະ ໃນນັ້ນ ສາມາດຈັບຕົວພວກຖືກຫາໄດ້ 9 ຄົນຄື:
ທ້າວ ຍັນ ອາຍຸ 22 ປີ
ທ້າວ ບຸນມີ ຫຼື ແຫຼ້ ອາຍຸ 36 ປີ
ທ້າວ ບຸນເຖິງ ຫຼື ນາຍ ອາຍຸ 40 ປີ
ທ້າວ ບຸນທະວີ ຫຼື ແຂກ ອາຍຸ 31 ປີ
ທ້າວ ທອງດຳ ຫຼື ດຳ ອາຍຸ 31 ປີ
ທ້າວ ຝອດ ອາຍຸ 16 ປີ
ທ້າວ ສົມຄິດ ຫຼື ຈີນ ອາຍຸ 31 ປີ
ທ້າວ ແຈັກ ອາຍຸ 22 ປີ
ທ້າວ ອາລີ ອາຍຸ 23 ປີ
ໃນເບື້ອງຕົ້ນພວກກ່ຽວໄດ້ສາລະພາບວ່າ: ໄດ້ພາກັນເຄື່ອນໄຫວເສບຢາບ້າມາໄດ້ໄລຍະຫນຶ່ງ ແລ້ວ ໂດຍເສບຄັ້ງລະ 1-2 ເມັດ. ນອກຈາກນີ້, ຍັງໄດ້ ຮ່ວມກັນເຄື່ອນໄຫວລັກຊັບ ປະເພດເຫຼັກລາງລົດໄຟ ໃນ ລະຫວ່າງເດືອນພຶດສະພາ ຫາ ເດືອນມິຖນາ ຈໍານວນຄັ້ງ
• ໄດ້ພາກັນໄປລັກເຫຼັກຢູ່ແຄ້ມກໍາມະກອນເຮັດທາງລົດໄຟ ເຂດບ້ານນາຄວາຍໃຕ້ ເຊິ່ງເປັນເຫຼັກເສັ້ນປ້ອງອ້ອຍ ຄວາມ ຍາວປະມານ 20 ຊັງຕີແມັດ ຫາ 1 ແມັດ ທີ່ຕັດກອງໄວ້ ເພື່ອນໍາໄປເຮັດລາງລົດໄຟ ຈໍານວນ 16 ຄັ້ງ
• ໄດ້ເຫຼັກເສັ້ນນໍ້າໜັກ 664 ກິໂລກຣາມ, ຂາຍໄດ້ເງິນທັງໝົດ 3.320.000 ກີບ
• ໄດ້ໄປລັກເຫຼັກຝາປົກຄອງນໍ້ເສຍຢູ່ສາງປູນຍາວປະມານ 1 ແມັດ ຢູ່ເຂດບ້ານນາຄວາຍໃຕ້ ຈໍານວນ 3 ຄັ້ງ ໄດ້ເຫຼັກ ນ້ໍາໜັກ 150 ກິໂລກຣາມ ຂາຍໄດ້ເງິນຈໍານວນ 750.000 ກີບ
• ໄປລັກທຸບຝາອັດທໍ່ນ້ໍາ ຢູ່ເຂດວັດນາຖົງ ບ້ານນາຄວາຍໃຕ້ຈໍານວນ 8 ຄັ້ງ ໄດ້ເຫຼັກນໍ້າໜັກ 505 ກິໂລກຣາມ ຂາຍໄດ້ ເງິນຈໍານວນ 2.000.000 ກີບເຊິ່ງພາຍຫຼັງທີ່ລັກໄດ້ ແລ້ວ ກໍນໍາໄປຂາຍໃຫ້ຮ້ານຮັບຊື້-ຂາຍເຫຼັກຂອງ ທ້າວ ຫຼ້າ ບ້ານ ໄຮ່ຄໍາ ແລະ ຂາຍໃຫ້ຮ້ານຂອງຄົນຫວຽດນາມ
ສ່ວນເງິນທີ່ໄດ້ມາຈາກການຂາຍເຫຼັກໃນແຕ່ລະຄັ້ງ ແມ່ນແບ່ງປັນກັນ ແລ້ວກໍນໍາໄປຊື້ຢາບ້າມາເສບ ແລະ ໃຊ້ເງິນທີ່ໄດ້ມາຈາກການຂາຍເຫຼັກໃນແຕ່ລະຄັ້ງ ແມ່ນແບ່ງປັນກັນ ແລ້ວກໍນໍາໄປຊື້ຢາບ້າມາເສບ ແລະ ໃຊ້ ຈ່າຍຫຼິ້ນກິນຟຸມເຟືອຍຈົນໝົດ.
ສ່ວນອີກ 2 ຄົນ ຄື ທ້າວ ແຈັກ ອາຍຸ 22 ປີ ແລະ ທ້າວ ອາລີ ຫຼື ລຽນ ອາຍຸ 23 ປີ ພັກເຊົາຢູ່ບ້ານດົງໂພສີ ເມືອງຫາດຊາຍຟອງ ສາລະພາບວ່າ:
ໃນເດືອນເມສາ 2022, ໄດ້ພາກັນໄປເຮັດວຽກ ກໍາມະກອນກໍ່ສ້າງທາງລົດໄຟ ຢູ່ເຂດບ້ານດົງໂພສີ ໂດຍ ໄດ້ຄ່າຈ້າງມື້ລະ 80.000 ກີບ, ມາຮອດວັນທີ 19 ມິຖນາ ເວລາ 19:00 ໂມງ ໄດ້ມີ ທ້າວ ຈົ່ງຢາງ ເຄີຍເຮັດວຽກກໍາມະກອນກໍ່ສ້າງນໍາກັນມາຫາຢູ່ຫ້ອງແຖວ ຫຼັງຈາກນັ້ນ, ກໍໄດ້ບອກໃຫ້ໄປເອົາເຫຼັກລາງລົດໄຟທີ່ຊຸກເຊື່ອງໄວ້ ຢູ່ເຂດບ້ານນາຄວາຍໃຕ້ ໄປຂາຍເອົາເງິນມາແບ່ງປັນກັນໃຊ້ຈ່າຍ. ຈາກນັ້ນ, ຈຶ່ງຕິດຕໍ່ຫາ ທ້າວ ອາລີ່ມາຫາຢູ່ຫ້ອງແຖວ ແລະ ພາກັນຂີ່ລົດຈັກຊ້ອນກັນໄປເອົາ ເຫຼັກລາງລົດໄຟຈໍານວນ 14 ອັນ ທີ່ຊກເຊື່ອງໄວ້ ແລະ ແຕ່ລະອັນມີຄວາມຍາວ 80 ຊັງຕີແມັດ ນ້ໍາໜັກປະມານ 18 ກິໂລກຣາມຕໍ່ອັນ.
ຫຼັງຈາກນັ້ນ, ຈຶ່ງພາກັນເອົາເຫຼັກລາງລົດໄຟ 6 ອັນ ຂຶ້ນໃສ່ລົດຈັກ ພໍຂັບຂີ່ລົດຈັກຮອດເຂດບ້ານຊຽງດາ ໄດ້ ເອົາເຫຼັກລົງຊຸກເຊື່ອງໄວ້ປ່າຫຍ້າແຄມທາງ ແລະ ກັບຄືນ ມາເອົາເຫຼັກລາງລົດໄຟອີກຈໍານວນ 8 ອັນ, ແຕ່ເມື່ອ ມາຮອດບ່ອນທີ່ເອົາເຫຼັກຊກເຊື່ອງໄວ້ນັ້ນ ກໍຖືກອໍານາດ ການປົກຄອງບ້ານຊຽງດາ ເຂົ້າກັກຕົວພ້ອມຂອງກາງ ຈໍານວນ 14 ອັນ.
ຕໍ່ກັບຄະດີດັ່ງກ່າວ ເຈົ້າໜ້າທີ່ສາມາດເກັບກູ້ຂອງ ກາງຄືນມາໄດ້ ລວມມີເຫຼັກລາງລົດໄຟຈໍານວນ 14 ອັນ ແລະ ຝາປົກຄອງນໍ້າ 2 ອັນ, ສ່ວນຮ້ານຮັບຊື້-ຂາຍເຫຼັກ ນັ້ນ ໄດ້ອອກຄໍາສັ່ງເປີດການສືບສວນ-ສອບສວນຕໍ່ພວກ ກ່ຽວ ເນື່ອງຈາກວ່າຮ້ານບໍ່ມີເອກະສານດໍາເນີນທຸລະກິດທີ່ ຖືກຕ້ອງ ແລະ ດໍາເນີນຄະດີຕາມລະບຽບກົດໝາຍ.
