ສື່ມວນຊົນປະເທດກຸ່ມ BRICS ປືກສາຫາລື ເສີມຂະຫຍາຍການຮ່ວມມື
ວັນທີ 8 ກໍລະກົດ ນີ້ ທ່ານຄໍາເຜີຍ ພິລະພາ ຜູ້ອໍານວຍການໃຫ່ຍສໍານັກຂ່າວສານປະເທດລາວໄດ້ເຂົ້າຮ່ວມພິທີເປິດກອງປະຊຸມສື່ມວນຊົນບັນດາປະເທດກຸ່ມ BRICS ຄັ້ງທີ 5 (5th BRICS Media Forum) ຜ່ານລະບົບທາງໄກ (Zoom Meeting).
ກອງປະຊຸມດັ່ງກ່າວໄດ້ຈັດຂື້ນພາຍໄຕ້ ຄໍາຂວັນ ‘’ສ້າງຄວາມເປັນເອກະພາບພາຍໃນກຸ່ມ BRICS, ສົ່ງເສີມການພັດທະນາໂລກ’’ ໂດຍການເປັນປະທານຮ່ວມຂອງທ່ານ ຟູ ຮົວ Fu Hua ປະທານບໍລິຫານກອງປະຊຸມສື່ມວນຊົນກຸ່ມBRICS, ປະທານສໍານັກຂ່າວຊິນຮວາ, ທ່ານ Jose Juan Sanchez ປະທານກຸ່ມ CMA Group, ທ່ານ Sergey Kochetkov ຮອງຫົວໜ້າສໍານັກຂ່າວສາກົນສປຸດນິກ, ທ່ານ Narasimhan Ram ຜູ້ອໍານວຍການກຸ່ມບໍລິສັດ Hindu Publishing Group ແລະ ທ່ານ Iqbal Surve ປະທານບໍລິຫານຂອງ Independent Media.
ຄະນະຜູ້ແທນກອງປະຊຸມຍັງໄດ້ປືກສາຫາລື ກຽ່ວກັບບັນດາຫົວຂໍ້ “ຄວາມເປັນມືອາຊິບ ແລະ ເປັນກາງ” ບົດບາດ ແລະ ໜ້າທີ່ຂອງສື່ພາຍຫລັງການລະບາດ, ນະວັດຕະກໍາ ແລະ ການເຊື່ອມໂຍງ: ການປະຕິຮູບ ແລະ ພັດທະນາສື່ທີ່ຂັບເຄື່ອນໂດຍເຕັກໂນໂລຊີໃໝ່, ຄວາມເປັນເອກະພາບ ແລະ ຄວາມສາມັກຄີ: ຮ່ວມກັນສົ່ງເສີມການສ້າງການຮ່ວມມືທີ່ມີຄຸນນະພາບສູງພາຍໃນກຸ່ມປະເທດບຣິກສ ແລະ ວາລະສຸດທ້າຍຂອງກອງປະຊຸມ ແມ່ນໄດ້ປືກສາຫາລື ກຽ່ວກັບຫົວຂໍ້ ການປະຕິບັດນິຍົມ ແລະ ການເສີມຂະຫຍາຍ: ສິດທິຂອງກຸ່ມປະເທດບຣິກສໃນການສົ່ງເສີມການພັດທະນາແບບຍືນຍົງ.
