ຢູເວນຕຸສ ບັນລຸຂໍ້ຕົກລົງດຶງ ປ໊ອກບາ ຄືນຖິ່ນຮອບສອງ ເຊັນສັນຍາ 4 ປີ
ຢູເວນຕຸສ ບັນລຸຂໍ້ຕົກໃນການຄວ້າ ພອລ ປ໊ອກບາ ກອງກາງແມນເຊສເຕີ ຢູໄນເຕັດມາຮ່ວມທີມອີກເທື່ອຫນຶ່ງແບບບໍ່ມີຄ່າຕົວ ພ້ອມເຊັນສັນຍາເປັນເວລາ 4 ປີ.
ສຳລັບ ປ໊ອກບາ ຕັດສິນໃຈບໍ່ຕໍ່ສັນຍາກັບ ແມນເຊສເຕີ ຢູໄນເຕັດ ຫລັງຫລິ້ນໃນຖິ່ນ ໂອນ ແທຣຟຟອດ ມາ 6 ປີ ນັບຕັ້ງແຕ່ ກັບມາຢູ່ກັບທີມເມື່ອປີ 2016.
ໂດຍທີມຄາດວ່າຈະໄດ້ເຊັນສັນຍາກັບນັກເຕະອາຍຸ 29 ປີ ໄປຮ່ວມທີມນັ້ນກໍຄື ຢູເວນຕຸສ ອະດີດຕົ້ນສັງກັດ ປ໊ອກບາ ທີ່ລາວ ເຄີຍຫລິ້ນມາລະຫວ່າງປີ 2012-2016 ກ່ອນທີ່ ຢູເວນຕຸສ ຈະຂາຍໃຫ້ ແມນຢູ ດ້ວຍຄ່າຕົວ 89,3 ລ້ານປອນ ເຊິ່ງເປັນສະ ຖິຕິສູງສຸດຂອງໂລກໃນເວລານັ້ນ.
ກ່ອນຫນ້ານີ້ ຟາບຣີຊີໂອ ໂຣມາໂນ ນັກຂ່າວຄົນດັງລະບຸວ່າ ຢູເວນຕຸສ ໄດ້ຕົກລົງເງື່ອນຄວ້ານັກເຕະກັບມາຮ່ວມທີມແບບ ບໍ່ມີຄ່າຕົວ ໂດຍການເຊັນສັນຍາຢ່າງເປັນທາງການຈະເກີດຂຶ້ນໃນຕົ້ນເດືອນກໍລະກົດນີ້.
ຫລ້າສຸດ ‘‘ Sky sport’’ ສື່ຊື່ດັງໄດ້ເປີດເຜີຍວ່າ ຢູເວນຕຸສ ບັນລຸຂໍ້ຕົກລົງດຶງ ປ໊ອກບາ ມາເສີມທີມດ້ວຍສັນຍາ 4 ປີ ຫລືເຖິງປີ 2026 ໂດຍການກວດຮ່າງກາຍຈະມີຂຶ້ນໃນວັນທີ 9 ກໍລະກົດນີ້ ແລະ ຈະມີການເຊັນສັນຍາເປັນທາງການຕໍ່ໄປ.
