6 ເດືອນຕົ້ນປີ ນະຄອນຫລວງທຳລາຍສິນຄ້າເສຍຄຸນນຳເຂົ້າຜິດກົດໝາຍ ມູນຄ່າ 228 ລ້ານກວ່າກີບ
July 6, 2022 - 3:55 PM
ພະແນກອຸດສາຫະກໍາ ແລະ ການຄ້າ ແຂວງ, ນະຄອນຫຼວງ ລາຍງານເມື່ອວັນທີ 5 ກໍລະກົດ 2022 ນີ້ໃຫ້ຮູ້ວ່າ:
ເຈົ້າໜ້າທີ່ກວດກາການຄ້າ ໄດ້ເຄື່ອນໄຫວຕິດຕາມກວດກາການຄ້າສິນຄ້ານອກລະບົບ, ສິນຄ້າເຊື່ອມຄຸນເສຍຄຸນໝົດອາຍຸ, ສິນຄ້າລອກຮຽນແບບເຄື່ອງໝາຍການຄ້າ ສະເພາະຢູ່ກົມການຄ້າພາຍໃນ ແລະ ນະຄອນຫລວງວຽງຈັນ.
ໃນຊ່ວງ 6 ເດືອນຕົ້ນປີ 2022 ໄດ້ກວດພົບຜູ້ລະເມີດ 21 ກໍລະນີ ແລະ ໄດ້ປັບໃໝ 61.782.000 ກີບ, ໄດ້ນໍາສິນຄ້າໄປທໍາລາຍຖິ້ມປະເພດຊິ້ນສ່ວນສັດ (ເຄື່ອງໃນ ໝູ, ງົວ, ຄວາຍ) ທີ່ລັກລອບນໍາເຂົ້າບໍ່ຖືກຕ້ອງ ມູນຄ່າ 149.000.000 ກີບ, ໝາກກະໂພກ ມູນຄ່າ 17.850.000 ກີບ, ສິນຄ້າໝົດອາຍຸ, ສິນຄ້າບໍ່ໄດ້ຄຸນນະພາບ, ສິນຄ້າຮຽນແບບ, ຢາສູບໄຟຟ້າ ມູນຄ່າ 61.171.000 ກີບ, ລວມມູນຄ່າສິນຄ້າເຄື່ອງຂອງນໍາໄປທໍາລາຍຖີ້ມ 228.021.000 ກີບ.
