ສີລັງກາ ຕ້ອງຈ່າຍເງິນນຳເຂົ້າເຊື້ອໄຟຕາມແຜນ 587 ລ້ານໂດລາສະຫະລັດ

ວັນທີ 3 ກໍລະກົດ 2022, ສຳນັກຂ່າວຊິນຮົວລາຍງານວ່າ: ທ່ານ ການຈະນາ ວິເຈເສເກຣາ ລັດຖະມົນຕີວ່າການກະຊວງພະລັງງານສີລັງກາ ເປີດເຜີຍວ່າ: ສີລັງກາຕ້ອງຈ່າຍເງິນ 587 ລ້ານໂດລາສະຫະລັດ ເພື່ອນຳເຂົ້າເຊື້ອໄຟຕາມແຜນການຈົນຮອດກາງເດືອນສິງຫາ.

ທ່ານ ວິເຈເສເກຣາ ຖະແຫລງວ່າ: ສີລັງກາຕ້ອງຈ່າຍເງິນຈຳນວນດັ່ງກ່າວໃຫ້ບໍລິສັດນ້ຳມັນຕ່າງປະເທດຫລາຍແຫ່ງນັບແຕ່ວັນທີ 4 ກໍລະກົດເປັນຕົ້ນໄປ ເພື່ອນຳເຂົ້າເຊື້ອໄຟຫລາຍຊຸດ.

ຂະນະດຽວກັນ, ສາງຂອງບໍລິສັດນ້ຳມັນປິໂຕຣລຽມຊີລອນ (Ceylon Petroleum Corporation) ຜູ້ນຳເຂົ້າ ແລະ ຈັດຈຳໜ່າຍເຊື້ອໄຟຂອງລັດຖະບານສີລັງກາ ມີນ້ຳມັນກາຊວນ 12.774 ໂຕນ, ນ້ຳມັນອອກເທນ 92 ຈຳນວນ 1.414 ໂຕນ, ນ້ຳມັນອອກເທນ 95 ຈຳນວນ 2.647 ໂຕນ, ນ້ຳມັນຊຸບເປີກາຊວນ 233 ໂຕນ, ນ້ຳມັນອາກາດສະຍານ 500 ໂຕນ ແລະ ນ້ຳມັນເຕົາ 29.000 ໂຕນ ເມື່ອນັບຮອດວັນທີ 3 ກໍລະກົດ.

ທັງນີ້, ສີລັງກາຜະເຊີນສະພາບຂາດເຂີນເຊື້ໄຟຢ່າງຮຸນແຮງ ແລະ ລາຄາເຊື້ອໄຟໄດ້ປັບເພີ່ມຂຶ້ນເຖິງ 4 ເທົ່າໃນປີນີ້.

ອ້າງອີງ:

‘ศรีลังกา’ ต้องจ่ายเงินนำเข้า ‘เชื้อเพลิง’ ตามแผนเกือบ 600 ล้านดอลล์