ແມນຊິຕີ ເປີດຕົວ ຄັລວິນ ຟິລລິບ ເສີມກາງຢ່າງເປັນທາງການ

ແມນເຊສເຕີ ຊິຕີ ທີມແຊ໊ມເກ່ົາພຣີເມຍ ລີກ ອັງກິດ ປະກາດຄວ້າຕົວ ຄັລວິນ ຟິລລິບ ກອງກາງຈາກ ລີດ ຢູໄນເຕັດ ມາຮ່ວມທີມຢ່າງເປັນທາງການແລ້ວ ດ້ວຍສັນຍາ 6 ປີ.

ກ່ອນຫນ້ານີ້ ແມນເຊສເຕີ ຊິຕີ ໄດ້ເປີດຕົວ ເອີລິງ ເບຣົາ ຮາແລນ ກອງຫນ້າຈາກໂບຣຸສເຊຍ ດອດມຸນ ຢ່າງເປັນທາງການແລ້ວ.

ຫລ້າສຸດ ແມນຊິຕີ ເປີດຕົວນັກເຕະທີ່ດຶງມາເສີມທີມສຳລັບການປ້ອງກັນແຊ໊ມລີກລະດູການໃຫມ່ອີກຄົນ ຄື ຄັລວິນ ຟິລລິບ ກອງກາງດີກຣີທີມຊາດອັງກິດຈາກ ລີດ ຢູໄນເຕັດ ໂດຍເຊັນສັນຍາຍາວເຖິງ 6 ປີ.

ເຊິ່ງນັກເຕະເປີດເຜີຍຫລັງຍ້າຍມາເປັນສະມາຊິໃຫມ່ຂອງແມນ ຊິຕີ ວ່າ : ‘‘ ຂ້ອຍຍິນດີຢ່າງທີ່ສຸດທີ່ໄດ້ມາຢູ່ກັບ ແມນເຊສເຕີ ຊິຕີ ພວກເຂົາພິສູດເຫັນແລ້ວວ່າພວກເຂົາ ຄືທີມທີ່ດີທີ່ສຸດໃນປະເທດ, ສະໂມສອນມີກຸ່ມນັກເຕະທີ່ມະຫັດສະຈັນ ແລະ ຜູ້ຈັດການທີມ ທີ່ໄດ້ຮັບການຍ້ອງຍໍວ່າເກ່ັງທີ່ສຸດໃນໂລກຢ່າງ ເປບ ກວາດີໂອລາ, ການໄດ້ຫລິ້ນພາຍໃຕ້ການຄຸມທີມຂອງ ເປບ ແລະ ໄດ້ຮຽນ ຮູ້ຈາກລາວ ແລະ ທີມງານ ລວມເຖິງການເປັນສ່ວນຫນຶ່ງຂອງທີມທີ່ສຸດຍອດນີ້ ຄືສິ່ງທີ່ເຮັດໃຫ້ຂ້ອຍຕື່ນເຕັ້ນຫລາຍ ’’.