ເປີດປະມູນເສື້ອຄຸມ ມູຮຳຫມັດ ອາລີ ຄາດຍອດທະລຸ 8 ແສນປອນ

ເປີດປະມູນເສື້ອຄຸມຂອງ ມູຮຳຫມັດ ອາລີ ຍອດມວຍລະດັບຕຳນານ ເຊິ່ງສວມຂຶ້ນສັງວຽນໃນການຊົກແຫ່ງສະຕະວັດ ກັບ ໂຈ ເຟຣເຊຍ ເມື່ອປີ 1971 ຄາດບໍ່ຕຳ່ກວ່າ 800,000 ປອນ.

ເສື້ອຄຸມສີແດງຂອງ ອາລີ ຜູ້ລ່ວງລັບກາຍເປັນຫນຶ່ງໃນພາບຈຳສຸດຄລາສສິກຂອງວົງການມວຍໂລກ ໃນການຊົກທີ່ຈັດຂຶ້ນທີ່ເມ ດີສັນ ສະແຄວກາເດັນໃນນະຄອນຫລວງນີວຢອກ ເຊິ່ງນັດດັ່ງກ່າວ ອາລີ ເສຍເປັນຄັ້ງທຳອິດໃນການຊົກອາຊີບ ກ່ອນຈະກັບມາ ແກ້ແຄ້ນໄດ້ໃນປີ 1974 ແລະ ຄາດວ່າຈະມີຕົວເລກທີ 800,000 ປອນ.

ສຳລັບ ອາລີ ເສຍຊີວິດໃນປີ 2016 ດ້ວຍອາຍຸ 74 ປີ ຈາກອາການພາກິນສັນ ເຊິ່ງ ທຣອຍ ຄີນູເນນ ນັກທຸລະກິດຊາວສະຫະລັດ ອາເມລິກາ ຜູ້ຄອບຄອງ ເສື້ອຂອງ ອາລີ ເລີ່ມທະຍອຍນຳສິນຄ້າອອກປະມູນເປັນໄລຍະ ໂດຍຈະເປີດປະມູນທີ່ດັລລາສ ລັດເທັກຊັສໃນວັນທີ 21 ກໍລະກົດນີ້.