8 ສານອາຫານບຳລຸງເສັ້ນຜົມ

ຫລາຍຄົນຢາກມີຜົມທີ່ແຂງແຮງ ແລະ ມີສຸຂະພາບດີ ບໍ່ວ່າຈະເພດ ຫລື ໄວໃດກໍຕາມ ແລະ ສິ່ງທີ່ໜ້າສົນໃຈ ຄື ການຈະເລີນເຕີບໃຫຍ່ໄວປານໃດຂຶ້ນຢູ່ກັບປັດໄຈຕ່າງໆ ບໍ່ວ່າຈະໃນເລື່ອງຂອງອາຍຸ, ສຸຂະພາບ, ກຳມະພັນ ແລະ ອາຫານ.

ເຖິງວ່າທ່ານຈະບໍ່ສາມາດປ່ຽນແປງປັດໄຈບາງຢ່າງ ເຊັ່ນ : ອາຍຸ ແລະ ກຳມະພັນໄດ້ ແຕ່ການເລືອກກິນອາຫານເປັນສິ່ງໜຶ່ງທີ່ທ່ານສາມາດເຮັດໄດ້ ເຊິ່ງຄວາມຈິງການບໍລິໂພກອາຫານທີ່ຂາດສານອາຫານທີ່ເໝາະສົມອາດເຮັດໃຫ້ຜົມຫລົ່ນໄດ້ຄືກກັນ ແລະ ໃນທາງກົງກັນຂ້າມ ການກິນອາຫານທີ່ດຸ່ນດ່ຽງ ໄດ້ຮັບສານອາຫານທີ່ຄົບຖ້ວນ ແລະ ເໝາະສົມ ຈະສາມາດຊ່ວຍສົ່ງເສີມການເຕີບໃຫຍ່ຂອງເສັ້ນຜົມໄດ້ນຳ ໂດຍສະເພາະຢ່າງຍິ່ງຫາກທ່ານປະສົບບັນຫາຜົມຫລົ່ນ ເນື່ອງຈາກຂາດໂພຊະນາການທີ່ຄົບຖ້ວນ ແລະ ຕໍ່ໄປນີ້ແມ່ນ 8 ສານອາຫານບຳລຸງເສັ້ນຜົມທີ່ທ່ານຄວນໄດ້ຮັບເປັນປະຈຳ :

• ທາດເຫລັກ : ຊ່ວຍໃນການຈະເລີນເຕີບໃຫຍ່ຂອງຜົມ ຊ່ວຍໃນການສ້າງເມັດເລືອດແດງ ເຊັ່ນ : ໝາກໄມ້ແຫ້ງ, ໝາກພີດ, ໝາກພິລາ, ໝາກລະແຊັງອົບແຫ້ງ, ຊີ້ນແດງ, ໄຂ່ແດງ,​ ໝາກສາລີ ແລະ ໝາກແອັບເປິ້ນ ເປັັນຕົ້ນ.
• ຊັລເຟີ : ເປັນໜຶ່ງໃນສ່ວນປະກອບສຳຄັນຂອງເສັ້ນຜົມ ເຊັ່ນ : ຫົວຜັກບົ່ວໃຫຍ່, ຜັກທຽມ, ຫົວຜັກກາດຂາວ, ໜໍ່ໄມ້ຝຣັ່ງ, ຜັກກະລໍ່າດອກ ເປັນຕົ້ນ.
• ທອງແດງ : ຊ່ວຍໃນການຟື້ນຟູຮູຂຸຸມຂົນເທິງໜັງຫົວໃຫ້ເປີດຮັບສານອາຫານຕ່າງໆໄດ້ດີ ມີໃນທັນຍາພືດ, ຖົ່ວເປືອກແຫ້ງ, ຕັບ, ໝາກພຸນ ແລະ ອາຫານທະເລ.
• ສັງກະສີ : ຊ່ວຍຟື້ນຟູ ແລະ ຊ່ວຍແບ່ງແຊນຜົມໃໝ່ ເສີມສ້າງຄວາມແຂງແຮງໃຫ້ຜົມ ມີໃນໝາກສາລີ, ໝາກອະໂວກາໂດ້, ຫອຍນາງລົມ, ທັນຍາພືດ.
• ໄບໂອຕິນ : ຊ່ວຍກະຕຸ້ນການຜະລິດເຄຣາຕິນໃນເສັ້ນຜົມມ ແລະ ເພີ່ມການເຕີບໃຫຍ່ຂອງຮູຂຸມຂົນໄດ້ ມີໃນໄຂ່, ຊີ້ນແດງ, ແກ່ນດອກຕາເວັນ, ຖົ່ວອາວມັອນ, ໂຢເກິດ ເປັນຕົ້ນ.
• ວິຕາມິນ A : ຊ່ວຍໃຫ້ຕ່ອມໄຂມັນບໍລິເວນຜິວໜັງ ແລະ ໜັງຫົວມີສຸຂະພາບດີ ມີໃນໝາກເລັ່ນໃຫຍ່, ຫົວກະຫລົດ, ຜັກຫົມ, ໝາກຫຸ່ງ ແລະ ໝາກແຕງແຄນຕາລູບ.
• ວິຕາມິນ B : ຊ່ວຍປັບຮໍໂມນທີ່ເຮັດໃຫ້ຜິວໜັງ ແລະ ຜົມແຂງແຮງ ມີໃນທັນຍາພືດ, ປາ, ໄຂ່, ໝາກກ້ວຍ, ປາແຊວມັອນ ແລະ ຊີສ.
• ວິຕາມິນ C : ຊ່ວຍຮັກສາຄໍລາເຈັນໃຕ້ຜິວໜັງ ແລະ ປ້ອງກັນຜົມບາງ – ຂາດຫລົ່ນງ່າຍ ມີໃນໝາກກ້ຽງ, ໝາກລະແຊັງ, ໝາກກີວີ່,​ ໝາກສະຕໍເບີຣີ, ໝາກສີດາ, ໝາກນັດ, ໝາກເບີຣີຕ່າງໆ.