ອິນເດຍ ກຽມຫ້າມໃຊ້ “ປລາສຕິກໃຊ້ແລ້ວຖິ້ມ” 1 ກໍລະກົດນີ້
ວັນທີ 29 ມິຖຸນາ 2022, ສຳນັກຂ່າວຊິນຮົວລາຍງານວ່າ: ລັດຖະບານອິນເດຍກຽມຈັດຕັ້ງຫ້ອງຄວບຄຸມສະເພາະ ແລະ ທີມບັງຄັບໃຊ້ກົດໝາຍພິເສດສຳລັບກວດສອບການຜະລິດ, ນຳເຂົ້າ, ຈັດເກັບ, ກະຈາຍ, ຈຳໜ່າຍ ແລະ ໃຊ້ປລາສຕິກປະເພດໃຊ້ເທື່ອດຽວຖິ້ມ (SUP) ທີ່ຜິດກົດໝາຍໄວໆນີ້.
ປະກາດທາງການສະບັບໜຶ່ງເນັ້ນຄຳສັ່ງຫ້າມໃຊ້ປລາສຕິກໃຊ້ເທື່ອດຽວຖິ້ມຢ່າງເຕັມຮູບແບບໃນອິນເດຍ ເຊິ່ງຈະມີຜົນບັງຄັບໃຊ້ນັບແຕ່ວັນທີ 1 ກໍລະກົດນີ້. ພ້ອມລະບຸວ່າ: ລັດຖະບານໄດ້ຮ້ອງຂໍລັດ ແລະ ດິນແດນທັງໝົດໃນປະເທດຕັ້ງຈຸດກວດຊາຍແດນ ເພື່ອຢຸດຢັ້ງການຂົນສົ່ງປລາສຕິກປະເພດດັ່ງກ່າວລະຫວ່າງລັດຕໍ່ລັດ.
ກະຊວງສິ່ງແວດລ້ອມ, ປ່າໄມ້ ແລະ ການປ່ຽນແປງສະພາບອາກາດຂອງອິນເດຍ ປະກາດ “ຂໍ້ບັງຄັບແກ້ໄຂການຈັດການຂີ້ເຫຍື້ອປລາສຕິກ 2021” ໃນວັນທີ 12 ສິງຫາປີຜ່ານມາ ເພື່ອຄວບຄຸມມົນລະພິດທີ່ເກີດຈາກຂີ້ເຫຍື້ອປລາສຕິກທີ່ຖືກຖິ້ມຊະຊາຍ ແລະ ຂາດການແກ້ໄຂໃນປະເທດ.
ທັງນີ້, ລາຍຊື່ປລາສຕິກປະເພດໃຊ້ເທື່ອດຽວຖິ້ມທີ່ຖືກສັ່ງຫ້າມ ຄວບຄຸມຂວັນປຸມເປົ້າປລາສຕິກ, ທຸງປລາສຕິກ ແລະ ຂອງປະດັບຕົບແຕ່ງທີ່ເຮັດມາຈາກພໍລິສໄຕຣີນ (Polystyrene).
ນອກຈາກນັ້ນ ຍັງມີການຈັດກິດຈະກຳສົ່ງເສີມຂີດຄວາມສາມາດສຳລັບກິດຈະການລາຍຍ່ອຍ, ກິດຈະການຂະໜາດນ້ອຍ ແລະ ກິດຈະການຂະໜາດກາງທີ່ກ່ຽວຂ້ອງ ເພື່ອມອບການຊ່ວຍເຫລືອທາງເຕັກນິກກ່ຽວກັບທາງເລືອກໃນການຜະລິດ.
ອ້າງອີງ:
https://www.xinhuathai.com/inter/291782_20220629
