6 ລັກສະນະຂອງແມ່ຍິງທີ່ເຮັດໃຫ້ຜູ້ຊາຍຖືກໃຈຕັ້ງແຕ່ແຮກພົບ

ແມ່ຍິງງາມໃຜໆກໍມັກ ຖ້າໃຫ້ສູ້ເລື່ອງໜ້າຕາອາດຈະແພ້, ແຕ່ຫາກບໍ່ເບິ່ງເລື່ອງໜ້າຕາ ແມ່ຍິງແບບໃດແດ່ທີ່ຜູ້ຊາຍຈະຫລົງຮັກໄດ້ ? ມື້ນີ້ພວກເຮົາມີຄຳຕອບມານຳສະເໜີບັນດາທ່ານ.

1. ເປັນທຳມະຊາດ : ຜູ້ຊາຍຈະຮູ້ສຶກມັກແມ່ຍິງທີ່ມີຄວາມເປັນທຳມະຊາດ, ເປັນໂຕຂອງໂຕເອງ, ເບິ່ງໜ້າຮັກແບບບໍ່ຕ້ອງພະຍາຍາມຫຍັງຫລາຍ, ບໍ່ຕ້ອງທຳທ່າຝືນຄວາມເປັນໂຕຂອງໂຕເອງຕະຫລອດເວລາກໍໄດ້ ມັນເມື່ອຍ.
2. ອາລົມດີ – ອາລົມຂັນ : ແມ່ຍິງລັກສະນະນີ້ຈະຍິ້ມງ່າຍ, ລົມມ່ວນ, ໃຜຢູ່ໃກ້ກໍຍ່ອມມີຄວາມສຸກໄປນຳ ເຊິ່ງເປັນເລື່ອງທີ່ດີສຳລັບຜູ້ຊາຍຫາກມີແມ່ຍິງແບບນີ້ຢູ່ຄຽງຂ້າງ.
3. ມີນຳ້ໃຈ : ແມ່ຍິງທີ່ບໍ່ຄິດເຖິງແຕ່ເລື່ອງຂອງໂຕເອງ, ແຕ່ຕ້ອງເອົາໃຈໃສ່ໂລກພາຍນອກແດ່, ມີນຳ້ໃຈໃຫ້ແກ່ຄົນອື່ນນຳ ອາດຈະບໍ່ແມ່ນນາງງາມຈັກກະວານ ແຕ່ຈະເປັນນາງງາມໃນໃຈໃຜຈັກຄົນແນ່ນອນ.
4. ເປີດເຜີຍ : ແມ່ຍິງທີ່ກ້າເວົ້າ, ກ້າບອກວ່າກຳລັງຄິດ ຫລື ຮູ້ສຶກຫຍັງ ແຕ່ຍັງຢູ່ເທິງພື້ນຖານຂອງມາລະຍາດ, ບໍ່ຕ້ອງໃຊ້ຜູ້ຊາຍມານັ່ງເດົາໃຈໃຫ້ເຈັບຫົວ.
5. ອ່ອນຫວານ : ຄົນເຮົາມັກຈະແນມຫາໃຜອີກຄົນທີ່ຈະມາຕື່ມເຕັມສ່ວນທີ່ຂາດຫາຍໄປ ຜູ້ຊາຍທີ່ເບິ່ງຫ້າວໆອາດຈະມັກແມ່ຍິງທີ່ອ່ອນຫວານ, ຊ່າງເອົາໃຈ, ເຂົ້າໃກ້ຍາມໃດກໍຫລົງຮັກ.
6. ມີກິ່ນຫອມ : ກິ່ນໂຕ, ກິ່ນຜົມ ຫລື ກິ່ນປາກທີ່ຫອມ ບົ່ງບອກວ່າທ່ານເປັນຄົນທີ່ຮັກການເບິ່ງແຍງດູແລຕົນເອງ ຖ້າໜ້າບໍ່ງາມຫລາຍ ກໍໃຊ້ກິ່ນຫອມເຂົ້າມາຊ່ວຍເສີມສະເໜ່ ເພາະກິ່ນນຳ້ຫອມອ່ອນໆຂອງແມ່ຍິງ ອາດເຮັດໃຫ້ຜູ້ຊາຍຄິດນຳໄດ້ຄືກັນ.