ມຽນມາຈູດຢາເສບຕິດຈຳນວນຫລາຍ ຢຶດໄດ້ຈາກ 3 ເມືອງ ເນື່ອງໃນວັນຕໍ່ຕ້ານຢາເສບຕິດສາກົນ
June 27, 2022 - 11:15 PM
ວັນທີ 26 ມິຖຸນາ 2022, ມຽນມາຈັດພິທີຈູດທຳລາຍຢາເສບຕິດທີ່ຢຶດໄດ້ໃນເມືອງຢາງກຸ້ງ, ມັນທະເລ ແລະ ຕອງຈີ ເນື່ອງຈາກວັນທີ 26 ມິຖຸນາ ເປັນວັນຕໍ່ຕ້ານຢາເສບຕິດສາກົນ.
ໂດຍໃນຕອນເຊົ້າຂອງວັນທີ 26 ມິຖຸນາ, ຢາງກຸ້ງຈູດທຳລາຍຢາເສບຕິດ ແລະ ສານເຄມີຕັ້ງຕົ້ນຜະລິດຢາເສບຕິດ 33 ຊະນິດ ມູນຄ່າຫລາຍກວ່າ 3,57 ແສນລ້ານຈ໊າດ ເຊິ່ງຖືກຢຶດໃນພື້ນທີ່ທາງຕອນລ່າງຂອງປະເທດ ໂດຍຢາເສບຕິດທີ່ຖືກທຳລາຍ ລວມທັງເຮໂຣອິນ, ກັນຊາ, ສານກະຕຸ້ນ, ເມດແອມເຟຕາມີນ ແລະ ຢາອີ ເຊິ່ງມີສ່ວນກ່ຽວຂ້ອງກັບຄະດີຢາເສບຕິດ 5.914 ຄະດີ.
ຂະນະທີ່ມັນທະເລໄດ້ຈູດທຳລາຍຢາເສບຕິດ ແລະ ສານເຄມີຕັ້ງຕົ້ນຜະລິດຢາເສບຕິດ 25 ຊະນິດ ມູນຄ່າຫລາຍກວ່າ 3,17 ແສນລ້ານຈ໊າດ, ສ່ວນຕອງຈີໄດ້ຈູດທຳລາຍຢາເສບຕິດ 58 ຊະນິດ ມູນຄ່າຫລາຍກວ່າ 5,15 ແສນລ້ານຈ໊າດ ໃນວັນດຽວກັນ.
ອ້າງອີງ:
