ການນຳຂັ້ນກົມ ແລະ ທຽບເທົ່າ ກະຊວງການເງິນ ສຳເລັດຊຸດຝຶກອົບຮົມການບໍລິຫານຄຸ້ມຄອງລັດ ຊຸດທີ III
ວັນທີ 24 ມິຖຸນາ 2022 ນີ້, ທີ່ສະຖາບັນການເງິນ-ການບັນຊີ, ໄດ້ຈັດພິທີປິດຊຸດຝຶກອົບຮົມການບໍລິ ຫານຄຸ້ມຄອງລັດພະນັກງານການນຳຂັ້ນກົມ ແລະ ທຽບເທົ່າ ກະຊວງການເງິນ ຊຸດທີ III, ໂດຍການເປັນປະທານຂອງທ່ານ ບຸນໂຈມ ອຸບົນປະເສີດ ລັດຖະມົນຕີກະຊວງການເງິນ ແລະ ທ່ານ ນາງ ລີວົງ ລາວລີ ຮອງລັດຖະມົນຕີກະຊວງພາຍໃນ, ທ່ານ ປອ ນາງ ຈັນທາ ອ່ອນໄຊວຽງ ຫົວໜ້າສະຖາບັນຄົ້ນຄວ້າວິທະຍາສາດການປົກຄອງ ແລະ ການອົບຮົມ, ກະຊວງພາຍໃນ, ທ່ານ ນາງ ກະເສີມສີ ພົມມະວົງສາ ຫົວໜ້າສະຖາບັນການເງິນ-ການບັນຊີ ກະຊວງການ ເງິນ, ຜູ້ຕາງໜ້າຈາກກົມຈັດຕັ້ງ ແລະ ພະນັກງານ ກະຊວງການເງິນ, ຫົວໜ້າກົມ, ຮອງຫົວໜ້າກົມ, ຫົວໜ້າພະ ແນກ, ວິທະຍາກອນ, ນັກສຳມະນາກອນ, ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ສຳລັບຊຸດຝຶກອົບຮົມການບໍລິຫານຄຸ້ມຄອງລັດ ໃຫ້ແກ່ພະນັກງານການນຳຂັ້ນກົມ ແລະ ທຽບເທົ່າ ກະຊວງ ການເງິນ ຊຸດທີ III ໄດ້ເລີ່ມດຳເນີນມາແຕ່ວັນທີ 13-24 ມິຖຸນາ 2022 ໂດຍໃຊ້ເວລາ 10 ວັນທາງລັດຖະການ ແລະມີຜູ້ເຂົ້າຮ່ວມຝຶກອົບຮົມທັງໝົດ 24 ທ່ານທີ່ມາຈາກຫ້ອງການ, ບັນດາກົມ, ສະຖາບັນອ້ອມຂ້າງກະຊວງການເງິນ ແລະ ຫົວໜ້າພະແນກການເງິນ 05 ແຂວງ (ແຂວງສະຫວັນນະເຂດ, ແຂວງຈຳປາສັກ, ແຂວງສາລະວັນ, ແຂວງເຊກອງ, ແຂວງອັດຕະປື).
ສ່ວນເນື້ອໃນຫຼັກສູດຊຸດຝຶກອົບຮົມແບ່ງອອກເປັນ 3 ພາກຄື: ພາກເຊື່ອມຊຶມແນວທາງນະໂຍບາຍ; ພາກບໍລິຫານຄຸ້ມຄອງ ແລະ ພາກຄວາມຮູ້ທົ່ວໄປ; ພາກຄວາມຮູ້ວິຊາສະເພາະ, ປະກອບມີ 16 ຫົວຂໍ້, ໂດຍການຂຶ້ນຫ້ອງບັນຍາຍຂອງອາຈານສອນທີ່ມີປະສົບການສູງ ໂດຍສະເພາະຜູ້ປະຈຳການ, ອາດີດການນຳຂັ້ນສູງຂອງກະຊວງພາຍໃນ, ການນໍາຂອງກະຊວງການເງິນ ແລະ ພາກສ່ວນກ່ຽວຂ້ອງ.
ການຝຶກອົບຮົມຄະນະຮັບຜິດຊອບ, ວິທະຍາກອນ, ນັກສໍາມະນາກອນໄດ້ມີຄວາມຕັດສິນໃຈສູງມີຄວາມເອົາໃຈໃສ່, ປະຕິບັດຕາມແນວທາງນະໂຍບາຍຂອງພັກ, ຍົກລະດັບຄວາມຮູ້ຄວາມສາມາດໃຫ້ແກ່ພະນັກງານການນຳຂັ້ນກົມ ແລະ ທຽບເທົ່າ, ໂດຍສະເພາະແມ່ນຍົກລະດັບການຊີ້ນຳ-ນຳພາທາງດ້ານການເມືອງ-ແນວຄິດ, ການຈັດຕັ້ງຜັນຂະຫຍາຍມະຕິຄຳສັ່ງຕ່າງໆຫັນສູ່ໜ້າວຽກໂຕຈິງໃຫ້ສໍາເລັດ, ຍົກສູງຂີດຄວາມສາມາດການນຳພາ-ຊີ້ນຳ, ໝູນໃຊ້ຫຼັກ ການບໍລິຫານຄຸ້ມຄອງລັດເຂົ້າໃນການບໍລິຫານວຽກງານຕ່າງໆ…ກຳແໜ້ນພື້ນຖານທິດສະດີ, ແນວທາງນະໂຍບາຍຂອງພັກ ແລະ ກົດໝາຍຂອງລັດໃນການຄຸ້ມຄອງວຽກງານເສດຖະກິດ-ການເງິນ, ວາລະແຫ່ງຊາດ ແລະ ແຜນພັດທະນາເສດຖະກິດຕາມທິດສັງຄົມນິຍົມຢ່າງມີຫຼັກການຮອບດ້ານ.
ໂອກາດດັ່ງກ່າວ, ທ່ານ ບຸນໂຈມ ອຸບົນປະເສີດ ລັດຖະມົນຕີກະຊວງການເງິນ ແລະ ທ່ານ ນາງ ລີວົງ ລາວລີ ຮອງລັດຖະມົນຕີກະຊວງພາຍໃນ ໄດ້ພັດປ່ຽນກັນມີຄໍາເຫັນໂອ້ລົມຕໍ່ຊຸດຝຶກອົບຮົມດັ່ງກ່າວວ່າປັດຈຸບັນກະຊວງການເງິນແມ່ນຢູ່ໃນໄລຍະການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມ ຫຍຸ້ງຍາກດ້ານເສດຖະກິດ-ການເງິນ ແລະ ປະຕິບັດຄຳສັ່ງຂອງນາຍົກລັດຖະມົນຕີ ເລກທີ 18/ນຍ, ວ່າດ້ວຍການເພີ່ມທະວີການຄຸ້ມຄອງ ແລະ ຕ້ານການຮົ່ວໄຫຼຂອງລາຍຮັບງົບປະມານແຫ່ງລັດ.
ການຝຶກອົບຮົມໃນຄັ້ງນີ້ ແມ່ນປະຕິບັດຕາມແນວທາງນະໂຍບາຍຂອງພັກ ໃນການຍົກລະດັບຄວາມຮູ້ຄວາມສາມາດໃຫ້ພະນັກງານການນໍາຂັ້ນກົມໃຫ້ພະນັກງານຂັ້ນກົມ ແລະ ທຽບເທົ່າໂດຍສະເພາະຍົກລະດັບດ້ານການເມືອງແນວຄິດ, ການຈັດຕັ້ງຜັນຂະຫຍາຍມະຕິຄຳສັ່ງຕ່າງໆຫັນເຂົ້າສູ່ວຽກງານຕົວຈິງ, ຄວາມຮູ້ຄວາມສາມາດທາງດ້ານການຊີ້ນຳນຳພາການສ້າງແຜນການ ແລະ ແກ້ໄຂບັນຫາ, ເພື່ອສ້າງເງື່ອນໄຂສ້າງຄວາມສະດວກໃນການນໍາພາປະຕິບັດວຽກງານໂດຍສະເພາະແມ່ນການນໍາພາ-ຄຸ້ມຄອງ ແລະ ການພັດທະນາບຸກຄະລາກອນໃຫ້ມີຈັນຍາບັນ, ຈັນຍາທຳ, ເຊື່ອໝັ້ນວ່າ ບັນດາສະຫາຍທີ່ໄດ້ຮັບການຝຶກອົບຮົມໃນຄັ້ງນີ້, ຈະນຳໄປໝູນໃຊ້ເຂົ້າໃນວຽກງານຕົວຈິງເປັນຕົ້ນ: ແມ່ນວຽກງານພັດ ທະນາຂອງອົງກອນ, ວຽກການແກ້ໄຂບັນຫາອົງກອນຕ່າງໆ…ໃຫ້ເອົາໃຈໃສ່ລົງເລີກນຳພາການເມືອງແນວຄິດພະນັກ ງານສະມາຊິກພັກນຳພາຄຸ້ມຄອງບໍລິຫານເພື່ອສືບຕໍ່ໍຊີ້ນຳ-ນຳພາການຈັດຕັ້ງປະຕິບັດໃຫ້ໄດ້ຮັບຜົນສຳເລັດເປັນກ້າວໆ.
