ນິວຄາສເຊິລ ປາດຫນ້າ ເອຊີ ມິລານ ຄວ້າ ສະເວນ ບອດແມນ ຢືນຫລັງ

ນິວຄາສເຊິລ ສະໂມສອນຈາກພຣີເມຍ ລີກ ອັງກິດ ປາດຫນ້າ ເອຊີ ມິລານ ສະໂມສອນດັງຈາກລີກ ເຊເຣຍ ອາ ອິຕາລີ ບັນລຸຂໍ້ຕົກລົງຄວ້າ ສະເວນ ບອດແມນ ກອງຫລັງດາວຮຸ່ງຊາວຮອນແລນ ມາຮ່ວມທີມຮຽບຮ້ອຍແລ້ວ.

ກ່ອນຫນ້ານີ້ ບອດແມນ ອາຍຸ 22 ປີ ຕົກເປັນຂ່າວກັບທີມ ເອຊີ ມິລານ ແຊ໊ມ ເຊເຣຍ ອາ ອິຕາລີ ລະດູການຫລ້າສຸດຢ່າງຕໍ່ເນື່ອງ ແຕ່ສຸດທ້າຍ ກອງຫລັງຈາກ ລີດ ທີມໃນດ ລີກ ເອິງ ຕັດສິນໃຈຍ້າຍມາຢູ່ກັບ ນິວຄາສເຊິລ ໃນພຣີເມຍ ລີກ ອັງກິດແທນ.

ໂດຍລາຍງານລະບຸວ່າກອງຫລັງລາຍນີ້ຍ້າຍມາຢູ່ກັບ ນິວຄາສເຊິລ ດ້ວຍລາຄາ 30 ລ້ານປອນ ໂດຍຖືເປັນນັກເຕະໃນກອງຫລັງອີກຫນຶ່ງຄົນທີ່ ເອັດດີ ຮາວ ຜູ້ຈັດການທີມຂອງນິວຄາສເຊິລ ຢູໄນເຕັດ ຄວ້າຕົວມາຮ່ວມທີມນັບຕັ້ງແຕ່ເຂົ້າມາຮັບງານກັບສະໂມສອນແຫ່ງນີ້.

ໂດຍກ່ອນຫນ້ານີ້ນິວຄາສເຊິລ ຄວ້ານັກເຕະໃນເກມຮັບມາຮ່ວມທີມແລ້ວທັງ ຄີແຣນ ທຣິບເປຍ ກອງຫລັງ ທີມຊາດອັງກິດ, ແດນ ເບີນ ກອງຫລັງຕົວກາງຈາກໄບຣຕັນ, ແມັດ ທາເກັດ ທີ່ຍ້າຍມາດ້ວຍສັນຍາຢືມຕົວຈາກ ແອສຕັນ ວິລລາ ກ່ອນຈະເຮັດການຊື້ຂາດ ລວມເຖິງ ນິກ ໂປບ ຜູ້ຮັກສາປະຕູຊາວອັງກິດ ທີ່ຍ້າຍມາຈາກເບີນລີ ເມື່ອຕົ້ນອາທິດນີ້.

ສຳລັບ ນິວຄາສເຊິລ ໄດ້ຮັບການເທກໂອເວີສະໂມສອນຈາກກຸ່ມທຶນຈາກຊາອຸດິອາຣະເບຍ ເມື່ອເດືອນຕຸລາ ປີ 2021 ເຮັດໃຫ້ພວກເຂົາກາຍເປັນຫນຶ່ງໃນສະໂມສອນທີ່ລວຍທີ່ສຸດໃນໂລກ ແລະ ສາມາດເສີມທີມນັກເຕະໄດ້ຢ່າງຕໍ່ເນື່ອງ.