ໄອໂອຊີ ສັ່ງຫ້າມ ໄອບ້າ ບໍ່ໃຫ້ຈັດຊົກມວຍ ປາຣີສເກມ

ປະຫວັດສາດຊ້ຳຮອຍ !  ໄອໂອຊີ ມີຄຳສັ່ງຫ້າມ ໄອບ້າ ບໍ່ໃຫ້ເປັນຜູ້ຈັດການແຂ່ງຂັນມວຍສາກົນສະຫມັກຫລິ້ນໃນການແຂ່ງຂັນ ປາຣີສເກມ ຫລັງມີບັນຫາຫລາຍເລື່ອງຍັງບໍ່ຈະແຈ້ງ ຫລັງຈາກກ່ອນຫນ້ານີ້ຫາກໍສັ່ງຫ້າມອົງການມວຍບໍ່ໃຫ້ຈັດແຂ່ງຂັນໃນ ໂຕກຽວເກມ ມາແລ້ວ.

ຄະນະກຳມະການໂອລິມປິກສາກົນ (IOC) ອອກມາລະບຸເມື່ອວັນສຸກທີ່ຜ່ານມາວ່າ ສະມາຄົມວຍສາກົນນາໆຊາດ (IBA) ຈະບໍ່ມີສ່ວນໃນການດຳເນີນການຈັດການແຂ່ງຂັນມວຍສາກົນສະຫມັກຫລິ້ນໃນກິລາໂອລິມປິກເກມ 2024 ເຊິ່ງນະ ຄອນຫລວງປາຣີສ ປະເທດຝຣັ່ງ ຈະເປັນເຈົ້າພາບລວມເຖິງການແຂ່ງຂັນໃນຮອບຄັດເລືອກນຳ ເນື່ອງຈາກຍັງມີຄວາມກັງວົນ ເລື່ອງການບໍລິຫານ ແລະ ລະບົບການຕັດສິນຂອງອົງການມວຍໂລກ.

IOC ລະບຸຜ່ານການຖະແຫລງ ຫລັງມີການປະຊຸມຄະນະກຳມະການບໍລິຫານ ເມື່ອວັນສຸກທີ່ຜ່ານມາວ່າ ‘‘ ການຕັດສິນໃຈຄັ້ງນີ້ ເກີດຂຶ້ນຈາກຄວາມກັງວົນທີ່ຍັງເກີດຂຶ້ນຢ່າງຕໍ່ເນື່ອງກ່ຽວກັບ IBA ທັງເລື່ອງການບໍລິຫານ ແລະ ລະບົບການຕັດສິນ ເຮົາຍັງຄົງ ມີຄວາມກັງວົນຫລາຍປະການຕໍ່ ໄອບ້າ ທັງເລື່ອງກຳມະການ ແລະ ລະບົບການຕັດສິນ ລວມເຖິງເລື່ອງການ ເງິ່ນທີ່ຕ້ອງເພິ່ງພາອາ ໄສ ກາສພຣອມ ບໍລິສັດ ພະລັງງານໃຫຍ່ ເຊິ່ງເປັນຂອງລັສເຊຍ ເຊິ່ງເປັນຜູ້ສະໜັບສະໜູນຫລັກຂອງ IBA ’’.