ເຝິກອົບຮົມເຕັກນິກຂີດຢາງພາລາໃຫ້ປະຊາຊົນບ້ານຢືບໃໝ່
ເພື່ອເຮັດໃຫ້ປະຊາຊົນບ້ານຢຶບໃໝ່ເມືອງທ່າແຕງແຂວງເຊ ກອງໄດ້ມີວຽກເຮັດງານທໍາ, ມີ ລາຍຮັບ ແລະ ມີຊີວິດການເປັນ ຢູ່ທີ່ດີຂຶ້ນ ແລະ ເມື່ອທ້າຍອາທິດ ຜ່ານມາໄດ້ມີການ ເຝິກອົບຮົມ ເຕັກນິກການຂີດຢ່າງພາລາໃຫ້ ປະຊາຊົນບ້ານດັ່ງກ່າວ, ໂດຍໄດ້ ຮັບການສະໜັບສະໜູນຈາກ ບໍລິສັດ ຢາງພາລາ ແອວວີເອັບ (LVF), ໂດຍມີທ່ານ ຄໍາສອນ ກອນເຍີ ເຈົ້າເມືອງທ່າແຕງ, ທ່ານ ອົງຮຸ່ງ ຮອງອໍານວຍການບໍລິສັດ LVF, ພ້ອມດ້ວຍປະຊາຊົນພາຍ ໃນ ບ້ານດັ່ງກ່າວເຂົ້າຮ່ວມຈໍາ ນວນຫລາຍ.
+ ສະຫະລັດອາເມຣິກາໃຫ້ການຊ່ວຍເຫລືອຝຶກອົບຮົມຫລັກສູດການພັດທະນາລະບົບຮັກສາສຸຂະພາບ ແລະ ພາກປະຕິບັດທີ່ດີ
+ ສານປະຊາຊົນແຂວງຄຳມ່ວນ ຕັດສິນລົງໂທດຜູ້ຄ້າຢາເສບຕິດຈຳຄຸກ 5 ປີ
ທ່ານຮອງອໍານວຍການ ບໍລິສັດໃຫ້ຮູ້ວ່າ: ການເຝິກອົບຮົມ ຄັ້ງນີ້ແມ່ນກິດຈະກຳຮ່ວມມືລະ ຫວ່າງບໍລິສັດ ແລະ ປະຊາຊົນ ບັນດາບ້ານໃນຂອບເຂດໃກ້ ຄຽງໂຄງການເພື່ອໃຫ້ໄດ້ຮັບ ການຍົກລະດັບສີມືແຮງງານ ເພື່ອກະກຽມເຮັດວຽກກັບໂຄງ ການ ແລະ ຊຸດເຝິກອົບຮົມຄັ້ງ ນີ້ຈະໄດ້ຮຽນຮູ້ເຕັກນິກກ່ຽວກັບ ການບົວລະບັດຕົ້ນຢາງ, ການ ຂີດຢ່າງ, ການຕີລາຄາ ສີມືແຮງ ງານ, ການທົດສອບ, ການ ອອກໃບຢັ້ງຢືນສີມືແຮງງານ ໃນເງື່ອນໄຂ, ລະບຽບ, ການດຳ ເນີນການທົດສອບ ແລະ ວິທີ ການໃຫ້ຄະແນນໃນການຂີດ ຢາງຕາມມາດຖານ ຂອງບໍລິສັດ ເພື່ອນຳໄປຈັດຕັ້ງປະຕິບັດເຂົ້າ ໃນວຽກງານຕົວຈິງຢ່າງມີຄຸນ ນະພາບ ແລະ ຊຸດອົບຮົມນີ້ຈະ ດໍາເນີນໄປແຕ່ວັນທີ 11-29 ສິງ ຫາ 2017 ຈຶ່ງຈະອັດລົງ.
ໃນໂອກາດນີ້, ເຈົ້າເມືອງ ທ່າແຕງໄດ້ສະແດງຍ້ອງຍໍຊົມ ເຊີຍຕໍ່ບໍລິສັດທີ່ໄດ້ຊ່ວຍເຫລືອ ທຶນຮອນຕ່າງໆເຂົ້າໃນການເຝິກ ອົບຮົມນີ້, ພ້ອມທັງຮຽກຮ້ອງ ໃຫ້ປະຊາຊົນທີ່ເຂົ້າຮ່ວມເຝິກອົບຮົມຈົ່ງຕັ້ງໃຈສືກສາຮໍ່າຮຽນ, ຍາດແຍ່ງເອົາບົດຮຽນທີ່ດີເພື່ອ ນໍາໄປປະກອບອາຊີບກໍຄືສະ ໜອງແຮງງານທີ່ມີຄຸນະພາບ ໃຫ້ແກ່ບໍລິສັດປູກຢາງພາລາ ຢູ່ພາຍໃນເມືອງທ່າແຕງເພື່ອໃຫ້ ມີລາຍຮັບ, ມີຊີວິດການເປັນຢູ່ ດີຂຶ້ນ ແລະ ຫລຸດພົ້ນອອກຈາກ ຄວາມທຸກຍາກເທື່ອລະກ້າວ.
