ກຸ່ມປະເທດ BRICS ຈັບມືກັນສ້າງຕັ້ງກອງທຶນສຳຮອງສາກົນ
ວັນທີ 23 ມິຖຸນາ 2022 ຜ່ານມານີ້, ທ່ານ ວາລາດີເມຍ ປູຕິນ,ປະທານາທິບໍດີ ຣັດເຊຍ ເປີດເຜີຍວ່າ: ບຣິກສ (BRICS) ປະກອບດ້ວຍບຣາຊິນ,ຣັດເຊຍ, ອິນເດຍ,ຈີນ ອາຟຣິກາໃຕ້ ພວມດຳເນີນ ການຈັດຕັ້ງທຶນສຳຮອງສາກົນໃໝ່ເພື່ອຫລຸດຜ່ອນ ການເພີ່ງພາອາໄສສະກຸນເງິນໂດລາສະຫະລັດພາຍຫລັງປະເທດສະມາຊິກ ບຣິກສ ພວມພັດທະນາກົນໄກທາງເລືອກທີ່ເຊື່ອຖືໄດ້ສຳລັບການຈ່າຍເງິນສາກົນ.
ບັນດາປະເທດດັ່ງກ່າວ ເພີ່ມການໃຊ້ສະກຸນເງິນທ້ອງຖິ່ນໃນການຊື້ຂາຍລະຫວ່າງກັນຫລາຍຂຶ້ນ.
ຂະນະທີ່ ເວັບໄຊ Global Timesຂອງຈີນລາຍງານວ່າ: ບັນດາຜູ້ຄ້າໃນກຸ່ມບຣິກສຕ່າງເຫັນຄວາມເປັນໄປໄດ້ທີ່ຈະໃຊ້ສະກຸນເງິນທ້ອງຖິ່ນໃນກຸ່ມປະເທດຂອງຕົນ ໂດຍສະເພາະ ເງິນຢວນເປັນອີກໜຶ່ງສະກຸນຫລັກໃນການເຮັດທຸລະກຳທາງການຄ້າຂ້າມຊາຍແດນລະຫວ່າງກັນເປັນສ່ວນໜຶ່ງໃນຄວາມພະຍາຍາມຊອກຫາທາງເລືອກອື່ນນອກຈາກສະກຸນເງິນໂດລາສະຫະລັດທີ່ຈະນຳມາໃຊ້ເປັນຕົວກາງຊຳລະໜີ້ສາກົນໃນກຸ່ມ
