ອາເຊນອລ ກຽມປິດບັນຊີຊື້ ກາບຣຽລ ເຄຊຸສ ຊ່ວຍຜະລິດປະຕູ

ສື່ອັງກິດລາຍງານວ່າ ອາເຊນອລ ໃກ້ເຊັນສັນຍາກັບ ກາບຣຽລ ເຄຊຸສ ກອງຫນ້າ ແມນເຊສເຕີ ຢູໄນເຕັດ ມາຮ່ວມທີມດ້ວຍຄ່າຕົວ 50 ລ້ານປອນ.

ສຳລັບອາເຊນອລ ໃຫ້ຄວາມສົນໃຈຈະແຈ້ງວ່າຕ້ອງການຄວ້າ ເຄຊຸສ ມາເສີມທີມໃນຕະຫລາດນັກເຕະລະດູການນີ້ ຂະນະທີ່ນັກເຕະເອງກໍພ້ອມຈະຍ້າຍສັງກັດເພື່ອຫາໂອກາດລົງສະຫນາມຫລາຍຂຶ້ນ.

ກ່ອນຫນ້ານີ້ມີລາຍງານວ່າ ອາເຊນອລ ໄດ້ເຈລະຈາກັບຕົວແທນຂອງດາວເຕະອາຍຸ 25 ປີແລ້ວ ແຕ່ຍັງບໍ່ມີການຢືນຢັນເລື່ອງຍື່ນຂໍ້ສະເຫນີໃຫ້ກັບ ແມນເຊສເຕີ ຊິຕີ ຢ່າງເປັນທາງການ.

ຈົນຫລ້າສຸດ ເດລີ ມິຣເຣີ ສື່ອັງກິດລະບຸວ່າ ອາເຊນອລ ໃກ້ທີ່ຈະເຊັນສັນຍາຄວ້າ ເຄຊຸສ ມາຮ່ວມທີມດ້ວຍຄ່າຕົວ 50 ລ້ານປອນ.

ທັງນີ້ນອກຈາກ ເຄຊຸສ ແລ້ວ ອາເຊນອລ ຍັງສົນໃຈດຶງ ຣາຟິນຢາ ອີກຫນຶ່ງນັກເຕະທີມຊາດບຣາຊິລ ຈາກ ລີດ ຢູໄນເຕັດ ມາຮ່ວມທີມນຳອີກ.