ມາເລເຊຍ ອະນຸມັດແຈກເງິນໃຫ້ຄອບຄົວທີ່ມີລາຍໄດ້ຕ່ຳຊ່ວຍເຫລືອຄ່າຄອງຊີບແພງຂຶ້ນ
June 24, 2022 - 3:20 PM
ຕາມຂ່າວຈາກ ກົວລາລຳເປີ,ວັນທີ23 ມິຖຸນາ 2022 ນີ້,ທ່ານ Ismail Sabri Yakob, ນາຍົກ ລັດຖະມົນຕີ ມາເລເຊຍ ກ່າວວ່າ:
ລັດຖະບານ ມີແຜນ ຈະຈັດສັນເງິນ ຕື່ມອີກ 630 ລ້ານຣິງກິດ ເພື່ອແຈກຢາຍ ເງິນສົດ ໃຫ້ແກ່ຄອບຄົວ ທີ່ມີລາຍໄດ້ຕໍ່າ ໃນທົ່ວປະເທດນັບຕັ້ງແຕ່ ເດືອນນີ້ ເປັນຕົ້ນໄປເພື່ອແກ້ໄຂ ບັນຫາ ຄ່າຄອງຊີບ ແພງຂຶ້ນ,ດັ່ງນັ້ນຈຶ່ງເພີ່ມທະວີ ການຈັດສັນ ງົບປະມານ ຢ່າງໜ້ອຍ 1,740 ລ້ານຣິງກິດ.
ຂະນະດຽວກັນລັດຖະບານມາເລເຊຍ ກຽມຍົກເລີກມາດຕະການ ຄວບຄຸມ ລາຄາໄກ່ ແລະ ໄຂ່ ເລີ່ມເດືອນກໍລະກົດນີ້ ຫລັງການ ໃຊ້ນະໂຍບາຍນີ້ຕະຫລອດໄລຍະເວລາທີ່ຜ່ານມາ ແລະ ມີແຜນຢຸດມາດຕະການໜູນລາຄານ້ຳມັນປຸງແຕ່ງອາຫານ ແບບຕຸກບາງປະເພດຕັ້ງແຕ່ຕົ້ນເດືອນໜ້າ ເນື່ອງຈາກບໍ່ໄດ້ຮັບການຮ່ວມມືເທົ່າທີ່ຄວນ ຈາກຜູ້ປະກອບການ.
