ທ່ານ ນາງ ວິລາວັນ ເຍ່ຍປໍເຮີ, ເອກອັກຄະລັດຖະທູດວິສາມັນຜູ້ມີອຳນາດເຕັມ ເເຫ່ງ ສປປ ລາວ ປະຈຳ ສະຫະພັນທະຣັດເຊຍຮ່ວມກອງປະຊຸມເສດຖະກິດສາກົນຄັ້ງທີ 25 ທີ່ນະຄອນ ເຊັນປີເຕີສະເບີກ, ສ. ຣັດເຊຍ
ລະຫວ່າງວັນທີ 15-18 ມິຖຸນາ 2022 ຜ່ານມານີ້, ທ່ານນາງ ວິລາວັນ ເຍ່ຍປໍເຮີ່ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປ ປ ລາວ ປະຈຳ ສະຫະພັນຣັດເຊຍ ພ້ອມດ້ວຍຄະນະ ໄດ້ເດີນທາງຮ່ວມກອງປະຊຸມເສດຖະກິດສາກົນທີ່ນະຄອນເຊັນປີເຕີສະເບີກ ສ ຣັດເຊຍ ຄັ້ງທີ 25 (25th Edition of SPIEF to Take Place in 2022)ຊຶ່ງກອງປະຊຸມດັ່ງກ່າວນີ້ຈັດຂຶ້ນທຸກໆປີ ແລະ ມີບັນດາທູດປະເທດອາຊຽນ, ອາຊີ, ອາຟຣິກາ ແລະ ອາເມຣິກາລາຕິນ ລວມທັງຜູ້ຕາງໜ້າຈາກອົງການຈັດຕັ້ງສາ ກົນ ທີ່ມີສຳນັກງານຕັ້ງຢູ່ ສະຫະພັນຣັດເຊຍ ເຂົ້າຮ່ວມ 135 ປະເທດ.
ກອງປະຊຸມຄັ້ງນີ້ພາຍໃຕ້ຫົວຂໍ້ “ໂອກາດໃໝ່ໃນໂລກໃໝ່” ແລະ ກວມເອົາ 5 ບັນຫາຕົ້ນຕໍຄືການສົ່ງເສີມ ທຸລະກິດຂະໜາດກາງ ແລະ ຂະໜາດນ້ອຍ(SME Forum), ການສົ່ງເສີມສ້າງທຸລະກິດໃໝ່ (Creative Busines Forum), ຄວາມປອດໄພຈາກຢາເສບຕິດ(Drung Security Forum), ບັນຫາໄວໜຸ່(Junior Dialogue Forum) ແລະ ສັບປະດາແຫ່ງການກິລາ (Sport Week) ຊຶ່ງມີຫຼາຍກວ່າ 50 ຫົວຂໍ້ຍ່ອຍ ທີ່ຄະນະຈັດຕັ້ງກອງປະຊຸມໄດ້ນໍາມາປຶກສາຫາລືໃນກອງປະຊຸມຄູ່ຂະໜານ. ສຳລັບທູດສປປ ລາວເຮົາ ໄດ້ເລືອກເອົາຫົວຂໍ້ສຳຄັນ ແລະກ່ຽວພັນກັບໜ້າວຽກຂອງສະຖານທູດເຮົາເປັນຕົ້ນກອງປະຊຸມພິເສດລະຫວ່າງອາຊຽນ-ສະຫະພາບເສດຖະກິດເອີຣົບ-ອາຊີ (ASEAN-EAEU) ຊຶ່ງໄດ້ລົງເລິກການຮ່ວມມືດ້ານເສດຖະ ກິດ-ການຄ້າ, ການລົງທຶນເພື່ອການພັດທະນາ ແລະ ຫົວຂໍ້ອື່ນໆ.
ມື້ສຸດທ້າຍກອງປະຊຸມ, ທ່ານນາງ ວິ ລາວັນ ເຍ່ຍປໍເຮີ່ ໄດ້ເຂົ້າຮ່ວມກອງປະຊຸມປະຖົມມະລືກໂດຍການເປັນປະທານຂອງທ່ານ ວະລາດີເມຍ ປູຕິນ ປະທານາທິບໍດີແຫ່ງສະຫະພັນຣັດເຊຍ ຊຶ່ງມີທ່ານ Kassym-Jomart Tokaev ປະທານາທິບໍດີ ແຫ່ງ ສາທາລະນະລັດກາຊັກສະຖານ ເຂົ້າຮ່ວມນຳ.
ໂອກາດເຂົ້າຮ່ວມກອງປະຊຸມ, ເອກອັກຄະລັດຖະທູດແຫ່ງ ສປປ ລາວ ປະຈໍາ ສ ຣັດເຊຍ ພ້ອມດ້ວຍຄະນະ ໄດ້ພົບປະສອງຝ່າຍກັບຄະນະກຳມາທິການຕ່າງປະເທດ ນະຄອນເຊັນປີເຕີສະເບີກເພື່ອສືບຕໍ່ປຶກ ສາຫາລື ແລະ ເສີມຂະຫຍາຍການພົວພັນຮ່ວມມືໃຫ້ປາກົດຜົນເປັນຈິງ, ພົບປະກັບຜູ້ອຳນວຍການມະຫາວິທະຍາໄລສ້າງຄູແຫ່ງລັດ ສ ຣັດເຊຍ ທີ່ມີຊື່ວ່າ: A. I. Herzen ເພື່ອປຶກສາຫາລືແຜນການຮ່ວມມືກັນໃນອະນາຄົດ. ຂະນະດຽວກັນກໍໄດ້ພົບປະກັບບໍລິສັດຈຳນວນໜຶ່ງເພື່ອເສີມຂະຫຍາຍການພົວພັນເສດຖະ ກິດ-ການຄ້າລະຫວ່າງສປປ ລາວ ແລະ ສ ຣັດເຊຍເປັນຕົ້ນພົບກັບຜູ້ຕາງໜ້າບໍລິສັດນໍ້າມັນ (Gasprom Neft) ເພື່ອປຶກສາຫາລືຄວາມເປັນໄປໄດ້ການສົ່ງນໍ້າມັນໃຫ້ແກ່ ສປປ ລາວ.
