ຍ້າຍຟຣີອີກຄັ້ງ! ປັອກບາ ກັບຄືນ ຢູເວນຕູສ ຮອບທີ່ສອງ ຫລັງໝົດສັນຍາກັບ ແມນຢູ
ບໍ່ແມ່ນເລື່ອງຍາກທີ່ຈະຄາດເດົາອະນາຄົດຂອງ ພອລ ປັອກບາ ນັກເຕະຊຸບເປີສະຕາຊາວຝຣັ່ງ. ວ່າຈະໄປຮ່ວມທີມໃດຫຼັງໝົດສັນຍາກັບ ແມນເຊັສເຕີ ຢູໄນເຕັດ ເຊິ່ງໃນທີ່ສຸດ ເຈົ້າຕົວກໍໄດ້ກັບບ້ານຫລັງເກົ່າ ຢູເວນຕຸສ ຮຽບຮ້ອຍແລ້ວ.
ຟາບີສຊິໂອ ໂຣມາໂນ້, ນັກຂ່າວບານເຕະລະດັບໂລກຈາກອິຕາລີ ລາຍງານການເຈລະຈາລະຫວ່າງ ປັອກບາ ແລະ ທີມງານຂອງ ຢູເວນຕຸສ ໄດ້ສິ້ນສຸດລົງຮຽບຮ້ອຍເມື່ອທັງສອງຝ່າຍໄດ້ພົບກັນໃນເມືອງ ມິລານ ກ່ອນກຽມຕົວເຊັນສັນຍາເທີ່ “ມ້າລາຍ” ມອບໃຫ້
ມີການເປີດເຜີຍວ່າ ປັອກບາ ຈະກັບຄືນໄປທີ່ອິຕາລີໃນເດືອນກໍລະກົດ. ເພື່ອຮັບການກວດຮ່າງກາຍ ແລະ ເຊັນເອກະສານທັງໝົດໃຫ້ຮຽບຮ້ອຍ ກ່ອນທີ່ຈະເປີດຕົວກັບຍັກໃຫຍ່ແຫ່ງ ການໂຊ່ ຊີເຣຍອາ ໃນຮອບ 6 ປີ ນັບຕັ້ງແຕ່ຍ້າຍອອກໄປໃນປີ 2016
ສໍາລັບຂໍ້ຕົກລົງລະຫວ່າງ ຢູເວນຕຸສ ກັບ ປັອກບາ, ແມ່ນຫນຶ່ງໃນຂໍ້ສະເຫນີປະຫວັດສາດທີ່ຄວນຈົດຈຳໃນວົງການບານເຕະ. ພວກເຂົາໄດ້ເຊັນສັນຍາຊາວຝຣັ່ງຈາກ ແມນເຊັສເຕີ ຢູໄນເຕັດ ແບບຟຣີໆເມື່ອປີ 2012 ເນື່ອງຈາກສັນຍາຫມົດໃນຖິ່ນ ໂອແທຣັບຟອດ, ເຊີ່ງກໍ່ໄດ້ໃຊ້ເວລາຫ້າປີທີ່ ຢູເວນຕຸສ
ກ່ອນປີ 2016 ຢູເວນຕຸສ ຕັດສິນໃຈຂາຍນັກເຕະດາວຮຸ່ງເລືອດຝຣັ່ງ. ກັບໄປຢູ່ທີ່ “ຜີສາດແດງ” ຕາມທີ່ຍອດທີມຂອງອັງກິດຕ້ອງການໃນລາຄາ 100 ລ້ານເອີໂຣ ແຕ່ສຸດທ້າຍຝ່າຍ “ເດິ ບິງໂກເນຣີ” ດຶງ ປັອກບາ ກັບຄືນສູ່ ຕູຣິນ ອີກຄັ້ງ ໂດຍບໍ່ຕ້ອງເສຍຄ່າຕົວໃຫ້ ແມນເຊັສເຕີ ຢູໄນເຕັດ ເພາະສັນຍາຂອງນັກເຕະໝົດລົງອີກຄັ້ງ.
