ເຈັກ ພອລ ຢູທູບເບີຄົນດັງ ຢືນຢັນພ້ອມຂຶ້ນຊົກ ໄມ ທາຍສັນ ປີນີ້

ເຈັກ ພອລ ຢູທູບເບີຄົນດັງຊາວອາເມລິກາ ຢືນຢັນພ້ອມຂຶ້ນສັງວຽນຊົກນັດພິເສດກັບ ໄມ ທາຍສັນ ຕຳນານແຊ໊ມໂລກຮຸ່ນ ໃຫຍ່ພາຍໃນປີນີ້ ຫລັງ ໄມ ທາຍສັນ ອອກມາກ່າວວ່າສົນໃຈຂຶ້ນຊົກກັບຄົນດັງແຫ່ງໂລກໂຊຊຽລ ເຊິ່ງມີຜູ້ຕິດຕາມກວ່າ 7 ລ້ານຄົນເຊ່ັນດຽວກັນ.

ກ່ອນຫນ້ານີ້ ທາຍສັນ ເຊິ່ງກັບມາຂຶ້ນຊົກໂຊກັບ ຣອຍ ໂຈນ ຈູເນຍ ໄປເມື່ອເດືອນພະຈິກ 2020 ຫາກໍກ່າວໃນລາຍການທອກໂຊ ຂອງ ຈິມມີ ຄິມເມລ ພິທີກອນຊື່ດັງ ເມື່ອວັນສຸກທີ່ຜ່ານມາວ່າ ລາວສົນໃຈທີ່ຈະຂຶ້ນຊົກກັບ ເຈັກ ພອລ ເພາະທຸກຢ່າງມັນລ້ວນເປັນ ໄປໄດ້ທັງຫມົດ ເພາະການຊົກກັບຢູທູບເບີ ອາຍຸ 25 ປີ ເຊິ່ງມີຜູ້ຕິດຕາມກວ່າ 7 ລ້ານຄົນ ນັ້ນ ຫນ້າຈະເຮັດໃຫ້ລາວໄດ້ເງິນມະ ຫາສານ.

ເມື່ອໄດ້ດັ່ງນັ້ນ ພອລ ກໍຕອບສະຫນອງທັນທີ ໂດຍໂພສໃນທະວິດເຕີສ່ວນຕົວວ່າ ‘‘ ຂອບໃຈ ໄມ ທາສັນ ຜູ້ຍິ່ງໃຫຍ່ ທີ່ໃຫ້ ຄວາມເຄົາລົບ ແລະ ໃຫ້ໂອກາດຂ້ອຍ ເຮົາຈະເຮັດໃຫ້ການຊົກນີ້ເກີດຂຶ້ນພາຍໃນປີນີ້ ’’.