ໂທມັສ ຄວ້າແຊ໊ມເມເຈີ ທຳອິດໃນຊີວິດໄດ້ສຳເລັດ

ການແຂ່ງຂັນກ໊ອຟເມີເຈີສຸດທ້າຍຂອງປີ ລາຍການ ຢູເອສ ພິຈີເອ ແຊ໊ມປຽນຊິບ ຊີງເງິນລາງວັນ 10.5 ລ້ານ ໂດລາ ສະຫະລັດ ໃນເມືອງ ຊາລ໊ອດ ລັດນໍ ຄາໂຣໄລນາ ສະຫະລັດ ອາເມຣິກາ ຫຼັງຈົບ ຮອບສຸດທ້າຍ ຈັສຕິນ ໂທມັສ ຊາວ ອາເມຣິກາ ຄວ້າແຊ໊ມ ເມເຈີທຳອິດໃນຊີວິດໄປຄອງ ໄດ້ສຳເລັດ ເມື່ອເຮັດເພີ່ມ 3 ອັນເດີພາ 68 ຄະແນນ ລວມ 8 ອັນເດີພາ 276 ຄະແນນ ເອົາຊະນະ ຟຣານເຊສໂກ ໂມ ລິນາຣີ ຈາກອິຕາລີ, ແພທຣິກ ຣິດ ຈາກ ສະຫະລັດ ແລະ ຫຼຸຍ ອຸສທຸຍເຊນ ຈາກ ແອຟຣິກາ ໃຕ້ ທີ່ໄດ້ອັນດັບ 2 ຮ່ວມກັນ 2 ສະໂຕຣກ.
ສ່ວນຜົນງານຄົນອື່ນໆທີ່ໜ້າສົນໃຈ ເຈສັນ ເດ ຈາກ ອອສເຕຣເລຍ 1 ອັນເດີພາ 283 ຄະແນນ ຈົບທີ 9 ຮ່ວມ. ດັສຕິນ ຈອນສັນ ມື 1 ໂລກ ຊາວ ອະເມຣິກາ ອີເວນພາ 284 ຄະແນນ ຈົບທີ 13 ຮ່ວມ ກັບ ບຣູກ ໂຄບປາ ຈາກ ສະ ຫະລັດ, ຣໍຣີ ແມັກ ອິລຣອຍ ຈາກ ໄອແລນເໜືອ 1 ໂອເວີ ພາ 285 ຄະແນນ ຈົບທີ 22 ຮ່ວມ, ຈໍແດນ ສະປິດ ມື 2 ໂລກ ຈາກເທັກຊັສ 2 ໂອເວີ ພາ 286 ຄະແນນ ຈົບທີ 28 ຮ່ວມ.