ແມນຊິຕີ ປະຕິເສດຂໍ້ສະເຫນີທຳອິດຂອງ ເຊລຊີ ທີ່ຍື່ນຊື້ ສະເຕີຣິງ

ຟາບຣີຊີໂອ ໂຣມາໂນ ນັກຂ່າວຄົນດັງລະບຸວ່າ : ແມນເຊສເຕີ ຊິຕີ ປະຕິເສດຂໍ້ສະເຫນີທຳອິດຂອງ ເຊລຊີ ໃນການຍື່ນຄວ້າຕົວ ຣາຮີມ ສະເຕີຣິງ ກອງຫນ້າທີມຊາດອັງກິດໄປຮ່ວມທີມ.

ສຳລັບ ເຊລຊີ ຕົກເປັນຂ່າວວ່າພວກເຂົາຢາກເຊັນສັນຍາກັບ ສະເຕີຣິງ ມາຮ່ວມທີມໃສ່ຕະຫລາດລະດູການນີ້ ເພື່ອທົດແທນ ໂຣເມລູ ລູກາກູ ກອງຫນ້າທີມຊາດເບລຢ້ຽມທີ່ກຽມ້ຍາຍກັບໄປຢູ່ກັບ ອິນເຕີ ມິລານ ແບບຢືມຕົວ.

ຂະນະທີ່ ແມນເຊສເຕີ ຊິຕີ ກໍພ້ອມທີ່ຈະຂາຍນັກເຕະອາຍຸ 27 ປີລາຍນີ້ຫາກໄດ້ລາຄາເຫມາະສົມ ຈົນຫລ້າສຸດ ໂຣມາໂນ ນັກຂ່າວຄົນ ດັງໄດ້ເປີດເຜີຍວ່າ : ເຊລຊີ ໄດ້ຍື່ນຂໍ້ສະເຫນີທຳອິດໃຫ້ ແມນຊິຕີ ພິຈາລະນາປ່ອຍ ສະເຕີຣິງ ດ້ວຍຄ່າຕົວ 25 ລ້ານຢູໂຣ ບວກເງິນ ສ່ວນເສີມອີກ.

ແຕ່ແລ້ວ ແມນຊິຕີ ໄດ້ປະຕິເສດຂໍ້ສະເຫນີດັ່ງກ່າວໄປເປັນທີ່ຮຽບຮ້ອຍແລ້ວ ເນື່ອງຈາກພວກເຂົາຕ້ອງການຄ່າຕົວຂອງ ສະເຕີຣິງ ຢູ່ທີ່ 55-60 ລ້ານປອນ.

ແນວໃດກໍຕາມມີລາຍງານເພີ່ມອີກວ່າ ເຊລຊີ ກຽມຍື່ນຂ້ໍສະເຫນີຮອບສອງໃຫ້ແມນຊິຕີ ພິຈາລະຈາອີກເທື່ອຫນຶ່ງໃນໄວໆນີ້.