ທ້າວ ຊະລາວາ ຫວັງທຳລາຍສະຖິຕິໂຕເອງໃນຊີເກມ ທີ່ມາເລເຊຍ

ທ້າວ ຊະລາວາ ສີຫານຸວົງ ນັກກິລາລອຍນ້ຳ ທີມຊາດລາວ ຫວັງທຳລາຍສະຖິຕິຂອງໂຕ ເອງ ໃນງານມະຫະກຳກິລາຊີ ເກມ ຄັ້ງທີ 29 ທີ່ປະເທດມາເລ ເຊຍ ລະຫວ່າງວັນທີ 19-31 ສິງຫາ 2017. ທ່ານ ນາງ ສຸລຳ ພອນ ເກີດຫຼ້າ ຄູເຝິກກິລາລອຍ ທີມຊາດລາວ ໃຫ້ສຳພາດວ່າ: ພາຍຫຼັງທີ່ພວກເຮົາໄດ້ເຂົ້າສູນ ເຝິກຊ້ອມ ຕັ້ງແຕ່ຕົ້ນເດືອນພຶດ ສະພາ 2017 ເປັນຕົ້ນມາ ແລະ ເດີນທາງເຂົ້າສູນເຝິກຊ້ອມທີ່ ສສ ຫວຽດນາມ ເປັນເວລາ 1 ເດືອນ. ຫຼັງຈາກນັ້ນ ຈຶ່ງໄດ້ເຂົ້າ ຮ່ວມການແຂ່ງຂັນງານກິລາອາຊຽນ ທີ່ປະເທດສິງກະໂປ ເມື່ອ ຕົ້ນເດືອນກໍລະກົດຜ່ານມາ ແລະ ສືບຕໍ່ເຂົ້າຮ່ວມການແຂ່ງ ຂັນຊີງແຊ໊ມໂລກ ທີ່ປະເທດຮົງ ກາລີ ເຊິ່ງຜ່ານການແຂ່ງຂັນໃນ ລາຍການຕ່າງໆ ນັກກິລາຂອງ ໂຕເອງແຕ່ລະຄົນສາມາດສ້າງສະຖິຕິດີຂຶ້ນກວ່າເກົ່າ. “ພາຍຫຼັງ ສຳເລັດການແຂ່ງຂັນແລ້ວ ພວກເຮົາກໍໄດ້ສືບຕໍ່ເຂົ້າສູນເຝິກຊ້ອມຢູ່ ສສ ຫວຽດນາມ ເປັນເວ ລາ 2 ອາທິດ ແລ້ວກັບມາເຝິກ ຊ້ອມຢູ່ລາວ ທີ່ສະໜາມກິລາ ລອຍນ້ຳ ຂ້າງສະໜາມກິລາເຈົ້າ ອານຸວົງ ເພື່ອກຽມຄວາມພ້ອມ ເຂົ້າຮ່ວມ ຊີເກມ ຄັ້ງທີ 29 ທີ່ປະ ເທດມາເລເຊຍ ເຊິ່ງເປົ້າໝາຍ ຂອງພວກເຂົາ ແມ່ນຫວັງສ້າງ ສະຖິຕິໃຫ້ດີກວ່າທຸກລາຍການ ຜ່ານມາ ເພາະວ່າກິລາລອຍນ້ຳ ເປັນກິລາທີ່ຄົນລາວບໍ່ນິຍົມຫຼິ້ນ ເຮັດໃຫ້ມີໂຕເລືອກໜ້ອຍ ແລະ ເປັນສິ່ງທ້າທາຍ ໃນການຕໍ່ກອນ ກັບປະເທດອື່ນໆ ທີ່ພວກເຂົາມີວິ ທະຍາສາດການກິລາສູງມາ ຊ່ວຍ. ແນວໃດກໍຕາມ ພວກເຮົາ ກໍຫວັງເຮັດໃຫ້ດີທີ່ສຸດ” ຄູເຝິກ ນັກກິລາລອຍນ້ຳທີມຊາດລາວ ກ່າວ. ຂະນະທີ່ ທ້າວ ຊະລາວາ ສີຫານຸວົງ ກ່າວວ່າ: “ຫຼັງຈາກ ການເກັບໂຕໄລຍະຜ່ານມາ ເຫັນວ່າໂຕເອງມີການພັດທະນາ ແລະ ວ່ອງໄວຫຼາຍຂຶ້ນ ເຊິ່ງໃນ ລາຍການກິລານັກຮຽນອາ ຊຽນ ຄັ້ງທີ 9 ທີ່ປະເທດສິງກະ ໂປ ນ້ອງສາມາດສ້າງສະຖິຕິ ໃໝ່ຂອງໂຕເອງຄື ລອຍທ່າຟີສະ ຕາຍ 50 ແມັດ ຢູ່ທີ່ 26 ວິນາທີ, ສ່ວນ ທ່າແມງກະເບື້ອ 50 ແມັດ ສາມາດເຮັດໄດ້ 29 ວິນາທີ ແຕ່ ການແຂ່ງຂັນໃນຊີເກມ ນັ້ນມີ ນັກກິລາທີ່ເກັ່ງຫຼາຍຄົນ ທີ່ສາ ມາດສ້າງສະຖິຕິໄດ້ດີກວ່ານ້ອງ ແນວໃດກໍຕາມ ນ້ອງຈະເຮັດໃຫ້ ດີທີ່ສຸດ ເພື່ອໂອກາດຜ່ານເຂົ້າ ຮອບທຳອິດ ແລະ ສ້າງສະຖິຕິ ໃໝ່ຂອງໂຕເອງໃຫ້ໄດ້. ສຳລັບ ສະຖິຕິຂອງນັກກິລາລອຍນ້ຳ ທີມຊາດລາວ ທັງ 4 ຄົນ ທີ່ເຂົ້າ ຮ່ວມການແຂ່ງຂັນງານກິລາ ນັກຮຽນອາຊຽນຄັ້ງທີ 9 ປະ ກອບມີ ທ້າວ ປາດຖະໜາ ອິນ ທະວົງ ທີ່ເຂົ້າຮ່ວມໃນລາຍການ ລອຍຫງອຍ 50 ແມັດ ສາມາດ ເຮັດສະຖິຕິໄດ້ 35 ວິນາທີ, ທ້າວ ຊະລາວາ ສີຫານຸວົງ ເຂົ້າຮ່ວມ 2 ລາຍການຄືລອຍທ່າຟີສະ ຕາຍ 50 ແມັດ ສ້າງສະຖິຕິໄດ້ 26 ວິນາທີ ແລະ ລອຍທ່າແມງ ກະເບື້ອ 50 ແມັດ ສ້າງສະຖິຕິ ໄດ້ 29 ວິນາທີ, ນາງ ສີລິອາລູນ ບຸດຈະເລີນ ເຂົ້າຮ່ວມ 2 ລາຍກາ ນຄື ລອຍທ່າຟີສະຕາຍ 50 ແມັດ ສ້າງສະຖິຕິໄດ້ 31 ວິນາທີ ແລະ ລອຍທ່າກົບ ເຮັດໄດ້ 41 ວິນາທີ, ນາງ ສົມປາຖະໜາ ຈຳ ເບີເລນ ເຂົ້າຮ່ວມ 2 ລາຍການ ລອຍທ່າຟີສະຕາຍ ເຮັດໄດ້ 32 ວິນາທີ, ລອຍທ່າແມງກະເບື້ອ ເຮັດໄດ້ 35 ວິນາທີ.”
ຂ່າວຈາກ:laosportnews.com.