ໄດ້ຍ້າຍສົມໃຈ, ລີເວີພູລ ຕອບຮັບຂໍ້ສະເຫນີປ່ອຍ ມາເນ ໄປບາເຢິນ ມິວນິກ ແລ້ວ

ລີເວີພູລ ຕອບຮັບຂໍ້ສະເຫນີຈາກ ບາເຢິນ ມິວນິກ ເພື່ອຂໍຊື້ ຊາດີໂອ ມາເນ ໄປເສີມທີມຮຽບຮ້ອຍແລ້ວ ໂດຍຕົກລົງຄ່າ ຕົວກັນໄດ້ຢູ່ທີ່ 35 ລ້ານປອນ ໂດຍຈ່າຍກ້ອນທຳອິດ 27 ລ້ານປອນ ບວກເງື່ອນໄຂຈ່າຍເພີ່ມໃນອະນາຄົດ.

ລີເວີພູລ ທີມໃຫຍ່ແຫ່ງພຣີເມຍລີກ ອັງກິດ ບັນລຸຂໍ້ຕົກລົງຂາຍ ຊາດີໂອ ມາເນ ດາວຍິງຕົວເກ່ັງໃຫ້ກັບ ບາເຢິນ ມິວນິກ ມະຫາ ອຳນາດບານເຕະແຫ່ງ ບຸນເດສ ລີກາ ເຢຍລະມັນ ເປັນທີ່ຮຽບຮ້ອຍແລ້ວ ຫລັງຕອບຮັບຂໍ້ສະເຫນີມູນຄ່າ 35 ລ້ານປອນ ຈາກ ບາເຢິນ ມິວນິກ ເປັນທີ່ຮຽບຮ້ອຍແລ້ວ.

ລາຍງານລະບຸວ່າ ບາເຢິນ ມິວນິກ ຈະຈ່າຍເງິນກ້ອນຄ່າຕົວທຳອິດ 27,5 ລ້ານປອນ ພ້ອມເງື່ອນໄຂຈ່າຍເພີ່ມອີກ 5 ລ້ານປອນ ຕາມຈຳນວນນັດທີ່ລົງສະຫນາມ ແລະ ອີກ 2,5 ລ້ານປອນ ຂຶ້ນຢູ່ກັບຄວາມສຳເລັດສ່ວນບຸກຄົນ ແລະ ຂອງທີມ ໂດຍຄາດວ່າ ມາເນ ຈະເຊັນສັນຍາໃນຖິ່ນອັລລີອັນ ອາຣີນາ ເປັນເວລາ 3 ປີ ແລະ ຈະເຂົ້າຮັບການກວດຮ່າງກາຍໃນອາທິດຫນ້າ.