ພຣີເມຍລີກ ອັງກິດ ລະດູການ 2022-23 ເຜີຍໂປຣແກມແຂ່ງຂັນ 380 ນັດອອກມາແລ້ວ

ເຊິ່ງເກມເປີດສະໜາມຈະເກີດຂຶ້ນໃນວັນສຸກ ທີ 5 ສິງຫານີ້ ໂດຍ ຄຣິສຕັນ ພາເລດ ເປີດບ້ານພົບກັບ ອາເຊນອລ ຂະນະທີ່ ທີມໃຫຍ່ ບໍ່ພົບງານໜັກຫລາຍ ແມນເຊັສເຕີ ຊິຕີ້ ແຊ້ມເກົ່າຈະໄປຢາມ ເວສແຮມ ໃນວັນອາທິດທີ 7 ສິງຫາ ມື້ດຽວກັນທີ່ ແມນເຊັສເຕີ ຢູໄນເຕັດ ເປີດບ້ານພົບກັບ ໄບຣຕັນ, ລີເວີພູລ ຈະລົງສະໜາມເປັນນັດທໍາອິດໃນວັນເສົາທີ 6 ເດືອນສິງຫາ ໄປຢາມ ຟູແລັມ, ແຊ້ມລີກ ອັນດັບຮອງ ລະດູການທີ່ຜ່ານມາ ກັບມາຂຶ້ນສູ່ລີກສູງສຸດອິກຄັ້ງ, ທັອດແນມ ຮັອດສະເປີ ພົບກັບ ເຊົາແຮມຕັນ ແລະ ເອຟເວີຕັນ ເປີດບ້ານພົບ ເຊວຊີ.

ໂດຍລະດູການນີ້, ພຣີເມຍລີກ ຈະມີການພັກລະຫວ່າງລະດູການ ຫຼັງຈາກໂປຣແກມຊ່ວງວັນທີ 12 ເດືອນພະຈິກ, ກໍ່ຈະເວັ້ນຫວ່າງຍາວໆເພື່ອຫລີກທາງໃຫ້ ການແຂ່ງຂັນເຕະບານໂລກ 2022 ທີ່ປະເທດກາຕ້າ. ກ່ອນຈະກັບມາເຕະອີກຄັ້ງໃນວັນທີ 26 ທັນວາ ເຊິ່ງເປັນວັນບ໋ອກຊິງເດ ຕາມປະເພນີຂອງບານເຕະຂອງອັງກິດ.

ສໍາລັບການແຂ່ງຂັນທັງ 380 ນັດ ແມ່ນເບິ່ງໄດ້ທີ່ນີ້ ແລະ ອາດຈະມີການປ່ຽນແປງໃນພາຍຫລັງເພື່ອຈັດໂປຣແກມຖ່າຍທອດສົດ https://www.premierleague.com/news/2646764