ບາເຢິນ ມິວນິກ ຄວ້າດາວຮຸ່ງອະນາຄົດໄກ ໄຣອັນ ກຣາເຟນເບີກ ເສີມທີມແດນກາງ

ບາເຢິນ ມິວນິກ ປະກາດຄວ້ານັກເຕະໃຫມ່ມາຮ່ວມທີມຄື ໄຣອັນ ກຣາເຟນເບີກ ກອງກາງດາວຮຸ່ງທີມຊາດເນເທີແລນ ຕົກລົງ ເຊັນສັນຍາເປັນເວລາ 5 ປີ.

ສຳລັບລາຍລະອຽດເລື່ອງການຍ້າຍທີມ ບາເຢິນ ມິວນິກ ບໍ່ໄດ້ເປີດເຜີຍຄ່າຕົວອອກມາ ແຕ່ສື່ຕ່າງປະເທດສ່ວນຫລາຍລາຍງານວ່າ ຍອດທີມແຫ່ງເຢຍລະມັນ ຈ່າຍໃຫ້ ອາແຈັກ ໄປເບື້ອງຕົ້ນ 18,5 ລ້ານຢູໂຣ ພ້ອມມີເງື່ອນໄຂໃນສັນຍາເພີ່ມຕື່ມ ທີ່ອາດເຮັດໃຫ້ຄ່າ ຕົວເພີ່ມຂຶ້ນໄດ້ຈົນເຖິງ 24 ລ້ານຢູໂຣ.

ຮາຊານ ຊາລີຮາມິດຊິບ ຜູ້ອຳນວຍການກິລາບາເຢິນ ກ່າວວ່າ : ‘‘ ລາວຈະຊ່ວຍທີມເຮົາໄດ້ຫລາຍ ລາວເປັນຫນຶ່ງໃນນັກເຕະພອນ ສະຫວັນຊັ້ນເລີດຂອງຢູໂຣບ ທີ່ລາວເລືອກ ບາເຢິນ ນັ້ນສະແດງໃຫ້ເຫັນວ່າລາວຫມັ້ນໃຈເຮົາໃນຖານະສະໂມສອນ ເຮົາຮັກນັກ ເຕະທີ່ມີຈິດໃຈແບບນີ້ ’’.

ສ່ວນທາງດ້ານນັກເຕະ ກ່າວວ່າ : ‘‘ ຂ້ອຍບໍ່ຕ້ອງເສຍເວລາດົນໃນຕອນທີ່ມີຂໍ້ສະເຫນີຈາກບາເຢິນ ນີ້ເປັນຫນຶ່ງໃນສະໂມສອນ ທີ່ໃຫຍ່ທີ່ສຸດ ນັກເຕະຈາກທົ່ວໂລກຢາກຫລິ້ນໃຫ້ສະໂມສອນແຫ່ງນີ້ ຂ້ອຍມານີ້ເພື່ອຫວັງຄວ້າແຊ໊ມລາຍຕ່າງໆ ’’.

ທັງນີ້ ກຣາເຟນເບີກ ອາຍຸ 20 ປີ ເປັນຜົນຜະລິດຈາກລະບົບເຍົາວະຊນົນຂອງອາແຈັກ ກ່ອນໄດ້ເລີ່ມຕົ້ນຫລິ້ນໃຫ້ທີມຊຸດໃຫຍ່ ຕັ້ງແຕ່ປີ 2018 ລົງສະຫນາມໃຫ້ອະດີດຕົ້ນສັງກັດໄປທັງຫມົດ 103 ນັດ ລວມທຸກລາຍການ ຍິງໄດ້ 12 ປະຕູ ແລະຍັງຕິດທີມຊາດ ເນເທີແລນ ຊຸດໃຫຍ່ໄປແລ້ວ 10 ນັດ.