6 ເດືອນຕົ້ນປີ ຂອງປີ 2022 GDP ຂະຫຍາຍ ຕົວ 4,3%
ທ່ານ ຄໍາເຈນ ວົງໂພສີ ລັດຖະມົນຕີກະຊວງແຜນການ ແລະ ການລົງທຶນ ໄດ້ລາຍງານ ຕໍ່ກອງປະຊຸມສະໄໝສາມັນ ເທື່ອທີ 3 ຂອງກອງປະຊຸມສະພາແຫ່ງຊາດ ຊຸດທີ IX ກ່ຽວກັບການຈັດຕັ້ງປະຕິບັດແຜນພັດ ທະນາທາງດ້ານເສດຖະກິດມະຫາພາກຂອງປະເທດ ໃນໄລຍະ 6 ເດືອນຕົ້ນປີ 2022 ໂດຍຍົກໃຫ້ເຫັນວ່າ: 6 ເດືອນຕົ້ນປີ ຂອງປີ 2022 ລວມຍອດຜະລິດຕະພັນພາຍໃນ ຫຼື GDP ຂະຫຍາຍ ຕົວ 4,3% ຄິດໄລ່ເປັນມູນຄ່າເທົ່າກັບ 95.212 ຕື້ກີບ ເທົ່າກັບ 49,6% ຂອງແຜນການ, ຂະແໜງຕົ້ນຕໍ ທີ່ຍັງຊຸກຍູ້ໃຫ້ GDP ຂະຫຍາຍຕົວຄືດັ່ງກ່າວ ເປັນຕົ້ນ:
1. ຂະແໜງກະສິກໍາ-ປ່າໄມ້ ໄດ້ສືບຕໍ່ຂະຫຍາຍ ຕົວ 2,2% ໃນເເຜນ (2,7%),
– ການຜະລິດເຂົ້ານາແຊງ ໄດ້ລື່ນແຜນ 2,94%;
– ການຜະລິດຊີ້ນ, ໄຂ່ ແລະ ປາ ເທົ່າກັບ 50% ຂອງແຜນການ;
– ການສົ່ງອອກຜະລິດຕະພັນກະສິກໍາ ເທົ່າກັບ 66,05% ຂອງແຜນການ;
– ສົ່ງອອກພືດ ເທົ່າກັບ 67,8% ຂອງແຜນການ ແລະ ສົ່ງອອກສັດລ້ຽງ ເທົ່າກັບ 46,74% ຂອງເເຜນການ;
2. ຂະແໜງອຸດສາຫະກໍາ 5,1% ໃນແຜນການ 5,3%;
– ສາມາດຜະລິດກະແສ ໄຟຟາ ໄດ້ 21.43 1 ລ້ານກິໂລວັດໂມງ ເທົ່າກັບ 55,86% ຂອງແຜນການ;
– ມູນການຜະລິດອຸດສາຫະກໍາ ປຸງແຕ່ງ ແລະ ຫັດຖະກໍາ ເທົ່າກັບ 51,38% ຂອງແຜນການ ມູນຄ່າການຈໍລະຈອນສິນຄ້າ ມີ 36.393 ຕື້ກີບ ເທົ່າກັບ 53,65% ຂອງແຜນການ;
– ມູນຄ່າການສົ່ງອອກ-ນໍາເຂົ້າ ປະຕິບັດໄດ້ 7.280 ລ້ານໂດລາ ເທົ່າກັບ 53,33% ຂອງແຜນການ;
3. ຂະແໜງການບໍລິການໄດ້ຂະຫຍາຍຕົວ 4,2% ແຜນການ 4,5%
– ການສົ່ງເສີມລາວທ່ຽວລາວ ເຊິ່ງເຮັດໃຫ້ມີນັກທ່ອງທ່ຽວພາຍໃນ 463.907 ເທື່ອຄົນ ເທົ່າກັບ 43,52% ຂອງແຜນການ;
– ການຂົນສົ່ງສິນຄ້າ ເທົ່າກັບ 63,31% ຂອງແຜນການ ແລະ ການຂົນສົ່ງ ໂດຍສານ ເທົ່າກັບ 61,33% ຂອງແຜນການ;
4. ຂະແໜງພາສີອາກອນຂະຫຍາຍຕົວ 4,3% ແຜນການ 4% ແລະ ປະກອບສ່ວນເຂົ້າການຂະຫຍາຍຕົວ 0,4%
