ສານອາຍາໄທ ຕັດສິນອະດີດຜູ້ກຳກັບໂຈ້ ຕິດຄຸກຕະຫລອດຊີວິດ

ວັນທີ 8 ມິຖຸນາ 2022 ນີ້, ສານໄທ ໄດ້ພິພາກສາ ພັນເອກ ທິຕິສັນ ອຸດທະນະຜົນ ຫລື ອະດີດຜູ້ກຳກັບ ໂຈ້ ແລະ ພັກພວກ ລວມທັງໝົດ 7 ຄົນ ໃນຄະດີໃຊ້ຖົງດຳຄຸມຫົວຜູ້ຕ້ອງຫາຈົນເສຍຊີວິດ.

ສານພິພາກສາວ່າ: ອະດີດຜູ້ກຳກັບ ໂຈ້ ຈຳເລີຍທີ 1-5 ແລະ 7 ກະທຳຄວາມຜິດຕາມການຟ້ອງໃຫ້ລົງໂທດຂໍ້ຫາການຄາຕະກຳຢ່າງທາລຸນ ໂດຍຕັດສິນປະຫານຊີວິດ, ແຕ່ໄດ້ຫລຸດໂທດ 1 ໃນ 3 ເຫລືອຕິດຄຸກຕະຫລອດຊີວິດ.

ສ່ວນຈຳເລີຍທີ 6 ຜິດຂໍ້ຫາປະຕິບັດໜ້າທີ່ບໍ່ຖືກຕ້ອງຕາມປະມວນກົດໝາຍອາຍາ(ໄທ) ມາດຕາ 157 ຕິດຄຸກ 8 ປີ ແຕ່ຫລຸດໂທດ 1 ໃນ 3 ເຫລືອຕິດຄຸກ 5 ປີ 4ເດືອນ.