ສີລັງກາຕ້ອງໃຊ້ເງິນຫລາຍກວ່າ 5 ຕື້ໂດລາສະຫະລັດ ໃນໄລຍະ 6 ເດືອນຕໍ່ໜ້າ

June 7, 2022 - 8:35 PM

ສີລັງກາຕ້ອງໃຊ້ເງິນຫລາຍກວ່າ 5 ຕື້ໂດລາສະຫະລັດ ໃນໄລຍະ 6 ເດືອນຕໍ່ໜ້າ - kitchen vibe - ສີລັງກາຕ້ອງໃຊ້ເງິນຫລາຍກວ່າ 5 ຕື້ໂດລາສະຫະລັດ ໃນໄລຍະ 6 ເດືອນຕໍ່ໜ້າ

ຕາມຂ່າວຈາກ ໂກລົມໂບ, ສີລັງກາຕ້ອງການເງິນ 5 ຕື້ໂດລາ ສະຫະລັດ ໃນໄລຍະ 6 ເດືອນຕໍ່ໜ້າເພື່ອຮັບປະກັນຊີວິດການເປັນຢູ່ ຂອງປະຊາຊົນມີມາດຕະຖານຊີວິດຂັ້ນພື້ນຖານຫລັງຈາກ ທ່ານ Ranil Wikramasiha, ນາຍົກລັດຖະມົນຕີສີລັງກາ ຖະແຫລງຕໍ່ສະພາວັນທີ 7 ມິຖຸນາ 2022ນີ້ວ່າ: ເພື່ອໃຫ້ສາມາດ ຜ່ານຜ່າສະຖານະການຄວາມວຸ່ນວາຍໃນຂະນະນີ້.

ສີລັງກາຕ້ອງການເງິນ 3,3 ຕື້ໂດລາສະຫະລັດສຳລັບນຳເຂົ້ານ້ຳມັນ, ເງິນ 900 ລ້ານໂດລາສະຫະລັດສຳລັບຊື້ສະບຽງອາຫານ,ເງິນ 250 ລ້ານໂດລາສະຫະລັດສຳລັບຊື້ອາຍແກັສປຸງແຕ່ງ ແລະ ອີກ 600 ລ້ານໂດລາສະຫະລັດສຳລັບຊື້ປຸ໋ຍໃຫ້ຊາວກະສິກອນ.

ສີລັງກາຕ້ອງໃຊ້ເງິນຫລາຍກວ່າ 5 ຕື້ໂດລາສະຫະລັດ ໃນໄລຍະ 6 ເດືອນຕໍ່ໜ້າ - Visit Laos Visit SALANA BOUTIQUE HOTEL - ສີລັງກາຕ້ອງໃຊ້ເງິນຫລາຍກວ່າ 5 ຕື້ໂດລາສະຫະລັດ ໃນໄລຍະ 6 ເດືອນຕໍ່ໜ້າ

ຂະນະດຽວກັນລັດຖະບານອະນຸມັດຂໍວົງເງິນ ສິນເຊື່ອ 55 ລ້ານໂດລາສະຫະລັດຈາກທະນາຄານເພື່ອການສົ່ງອອກ ແລະ ນຳເຂົ້າຂອງອິນເດຍແນໃສ່ສະໜັບສະໜູນນຳເຂົ້າປຸ໋ຍ 150.000ໂຕນສຳລັບຊາວກະສິກອນນຳໃຊ້ໃນການປູກຝັງໃນລະດູການ ໜ້າຕໍ່ໄປ.

ຂະນະທີ່ ທະນາຄານກາງປະເມີນ ໄວ້ວ່າເສດຖະກິດສີລັງກາ ຈະຫົດຕົວ 3,5% ໃນປີນີ້ແຕ່ຈະກັບມາເຕີບໂຕຢ່າງເຂັ້ມແຂງໄດ້ ດ້ວຍການອອກມາດຕະການປະຕິຮູບຂະໜາດໃຫຍ່, ການປັບ ໂຄງສ້າງໜີ້ ແລະ ການສະໜັບສະໜູນຈາກປະຊາຄົມໂລກ.

ສີລັງກາຈະຕ້ອງເຮັດໃຫ້ເສດຖະກິດມີສະຖຽງລະພາບພາຍໃນ ທ້າຍປີໜ້າ ແລະ ສະຫະປະຊາຊາດສັນຍາວ່າຈະຈັດສັນເງິນ 48 ລ້ານໂດລາສະຫະລັດຊ່ວຍເຫລືອດ້ານອາຫານ, ກະສິກຳ ແລະ ສາທາລະນະສຸກໃຫ້ສີລັງກາ.

ຂະນະດຽວກັນສີລັງກາພວມເຈລະຈາເງື່ອນໄຂການເຮັດ ທຸລະກຳ ແລກປ່ຽນເງິນຕາອີງໃສ່ສະກຸນເງິນຢວນມູນຄ່າ ປະມານ 1,5 ຕື້ໂດລາສະຫະລັດ ທີ່ຕົກລົງກັບຈີນເມື່ອປີກ່ອນອີກຄັ້ງ ເພື່ອໃຫ້ສາມາດ ຊຳລະສິນຄ້ານຳເຂົ້າທີ່ຈຳເປັນຕື່ມອີກ.

ຂ່າວ: ຂປລ