ເຈມ ມິລເນີ ຂະຫຍາຍສັນຍາໃຫມ່ກັບລີເວີພູລເຖິງປີ 2023

ເຈມ ມິລເນີ ກອງກາງປະສົບການຫລາຍຂອງ ລີເວີພູລ ຂະຫຍາຍສັນຍາກັບ ລີເວີພູລ ອອກໄປອີກ 1 ປີ ຫລື ເຖິງປີ 2023 ຢ່າງເປັນທາງການ.

ສຳລັບ ມິລເນີ ອາຍຸ 36 ປີ ຍ້າຍຈາກ ແມນເຊສເຕີ ຊິຕີ ມາຢູ່ກັບ ລີເວີພູລ ແບບບໍ່ມີຄ່າຕົວເມື່ອປີ 2015 ເຊິ່ງລາວລົງສະຫນາມໃຫ້ ລີເວີພູລ ໄປທັງຫມົດ 289 ນັດ ລວມທຸກລາຍການເຮັດໄດ້ 26 ປະຕູກັບ 44 ແອສຊິສ.

ໂດຍຕາມກຳສັນຍາເກ່ົາຂອງ ມິລເນີ ກັບ ລີເວີພູລ ຈະຫມົດລົງໃນລະດູການນີ້ ແຕ່ມີກະແສຂ່າວມາຕະຫລອດວ່າ ລີເວີພູລ ຕ້ອງການຂະຫຍາຍສັນຍາກັບນັກເຕະລາຍນີ້ອອກໄປອີກ.

ຈົນຫລ້າສຸດ ລີເວີພູລ ຖະແຫລງຜ່ານເວັບໄຊວ່າ ໄດ້ຂະຫຍາຍສັນຍາກັບ ມິລເນີ ອອກໄປອີກ 1 ປີ ຫລື ເຖິງເດືອນມິຖຸນາ 2023 ຢ່າງເປັນທາງການ.

‘‘ ຂ້ອຍດີໃຈຫລາຍທີ່ໄດ້ຢູ່ຕໍ່ອີກລະດູການ ຂ້ອຍບໍ່ເຄີຍຫລິ້ນໃຫ້ສະໂມສອນນີ້ໂດຍບໍ່ມີປະໂຫຍດ ແລະ ຈະບໍ່ມີວັນເຮັດແບບນັ້ນ ຕາບໃດທີ່ຂ້ອຍຍັງສາມາດເຮັດຫນ້າທີ່ຂອງຕົວເອງໄດ້ ນັ້ນບໍ່ແມ່ນເລື່ອງງ່າຍທີ່ຈະເດີນຈາກໄປ ’’ ມິລເນີ ໃຫ້ສຳພາດ ເຖິງຄວາມຮູ້ສຶກ.