ໂຣນັລໂດ ຂີ່ລົດຖີບຂ້າມເມືອງ 500 ກິໂລແມັດ ເພື່ອສະຫລອງ ບາຢາໂດລິດ ເລື່ອນຊັ້ນ

ໂຣນັລໂດ ອະດີດນັກເຕະທີມຊາດບຣາຊິລ ດີກຣີແຊ໊ມໂລກ 2 ສະໄຫມ ຂີ່ລົດຖີບເປັນໄລຍະທາງ 500 ກິໂລ ສະຫລອງ ຫລັງ ຣຽວ ບາຢາໂດລິດ ໄດ້ເລື່ອນຊັ້ນສູ່ ລາ ລີກາ ສະເປນ ສຳເລັດ.

ປະທານສະໂມສອນອາຍຸ 45 ປີ ເຂົ້າຊື້ຫຸ້ນສະໂມຈຳນວນ 51% ຕັ້ງແຕ່ປີ 2018 ໃຫ້ສັນຍາໄວ້ວ່າຫາກທີມສາມາດເລື່ອນຈາກ ເຊກຸນດາ ໄປຫລິ້ນໃນລີກສູງສຸດໄດ້ຈະຂີ່ລົດຖີບຕາມເສັ້ນທາງ ຄາມິໂນ ເດິ ຊານຕີອາໂກ ໄລຍະທາງຈາກ ບາຢາໂດລິດ ໄປເມືອງ ຊານຕີອາໂກ ເດິ ຄອມໂປສເຕລາ ເຊິ່ງຫລັງຈາກ ບາຢາໂດລິດ ຈົບລະດູການໃນຖານະຮອງແຊ໊ມ ອະດີດກອງຫນ້າ ຣຽວ ມາດຣິດ ເຮັດຕາມສັນຍາທັນທີ ໂດຍເລີ່ມຕົ້ນທີ່ເອສຕາດີໂອ ໂຮເຊ ຊໍຣິລຢາ ‘‘ ຂ້ອຍຈະຂີ່ລົດຖີບໄປພ້ອມກັບເມຍໄປທີ່ ຄອມໂປສເຕລາ ເສັ້ນທາງຄົງຈະສວຍງາມບໍ່ຫນ້ອຍ ມັນອາດຈະເຮັດໃຫ້ຂ້ອຍບອບຊຳຮ່າງກາຍແດ່ ແຕ່ກໍເປັນປະສົບການທີ່ຫນ້າຈົດຈຳ ’’.

ໂຣນັລໂດ ລຸຍ ນາຊາຣີໂປ ເດິ ລິມາ ພາບຣາຊິລ ຄວ້າແຊ໊ມໂລກ ໃນປີ 1994 ແລະ 2002 ເປັນນັກເຕະທີ່ປະສົບຄວາມສຳເລັດ ຢ່າງຫລາຍຈາການຫລິ້ນໃຫ້ກັບ ຣຽວ ມາດຣິດ, ບາເຊໂລນາ, ອິນເຕີ ມິລານ, ເອຊີ ມິລານ ໂດຍໄດ້ລາງວັນ ບັນລົງດໍ 2 ສະໄຫມ.