ສື່ເປີດເຜີຍ ແມນຢູ ຫມັ້ນໃຈຄວ້າ ແຟຣັງກີ ເດິ ຢອງ ເສີມກາງແນ່ນອນ

ສື່ອັງກິດລາຍງານວ່າ ແມນເຊສເຕີ ຢູໄນເຕັດ ມີຄວາມຫມັ້ນໃຈຫລາຍຂຶ້ນວ່າຈະສາມາດເຊັນສັນຍາ ແຟຣັງກີ ເດິ ຢອງ ກອງກາງບາເຊໂລນາ ມາຮ່ວມທີມໃນຕະຫລາດນັກເຕະລະດູການນີ້ດ້ວຍຄ່າຕົວປະມານ 70 ລ້ານປອນ.

ສຳລັບ ເດິ ຢອງ ກາຍເປັນເປົ້າຫມາຍຫລັກຂອງ ເອຣິກ ເທນ ຮາກ ຜູ້ຈັດການທີມ ແມນເຊສເຕີ ຢູໄນເຕັດ ສຳລັບການເສີມ ທີມໃນຕະຫລາດນັກເຕະລະດູການຫນ້າ ແຕ່ຍັງບໍ່ມີການຍື່ນຂໍ້ສະເຫນີຢ່າງເປັນທາງການເທື່ອ.

ໂດຍ ເທນ ຮາກ ຕ້ອງການເຊັນສັນຍານັກເຕະອາຍຸ 25 ປີມາເສີມກາງເປັນຢ່າງຍິ່ງ ຫລັງທັງຄູ່ເຄີຍຮ່ວມງານກັນສະໄຫມລາວຄຸມ ອາແຈັກ ອຳເຕີດຳ ເຖິງມີລາຍງານວ່າ ເດິ ຢອງ ຢາກຈະຢູ່ກັບ ບາເຊໂລນາ ຕໍ່ໄປກໍຕາມ.

ຈົນຫລ້າສຸດ ‘‘ Metal ’’ ສື່ອັງກິດເປີດເຜີຍວ່າ : ແມນເຊສເຕີ ຢູໄນເຕັດ ໃກ້ທີ່ຈະຕົກລົງກັບ ບາເຊໂລນາ ໃນການຄວ້າກອງກາງທີມ ຊາດເນເທີແລນ ມາເສີມທີມໄດ້ແລ້ວດ້ວຍຕົວ 70 ລ້ານປອນ.

ຂະນະທີ່ ‘‘ Sport ’’ ສື່ໃນສະເປນ ລະບຸເພີ່ມວ່າ ເຖິງວ່າ ເດິ ຢອງ ຈະຕ້ອງການຢູ່ກັບ ບາເຊໂລນາ ຕໍ່ໄປ ແຕ່ກໍບໍ່ໄດ້ປະຕິເສດໂອກາດ ຄວາມກ້າວຫນ້າທີ່ຈະຍ້າຍໄປຫລິ້ນກັບ ແມນເຊສເຕີ ຢູໄນເຕັດ.