ໂຮງຮຽນເຕັກນິກ-ວິຊາຊີບແຂວງຫຼວງນ້ຳທາເປີດການຮຽນ-ການສອນພາສາຈີນ

ໃນວັນທີ 6 ມິຖຸນາ 2022, ທ່ານ ຊາຍທາ ແສງອຸ່ນຫຼ້າ ຫົວໜ້າ ພະແນກວິຊາການ ໂຮງຮຽນເຕັກນິກ-ວິຊາຊີບແບບປະສົມແຂວງຫຼວງນ້ຳທາ ກ່າວວ່າ: ການເປີດການຮຽນ-ການສອນພາສາຈີນນິ້ເພື່ອສ້າງນັກວິຊາການວິຊາສະເພາະຄຽງຄູ່ກັບພາສາຕ່າງປະເທດ ແລະ ຕອບສະໜອງຄວາມຮຽກຮ້ອງຕ້ອງການຂອງສັງຄົມພາຍໃນ ແລະ ຕ່າງປະເທດ, ຍົກສູງບົດບາດໂຮງຮຽນອາຊີວະສຶກສາ, ສ້າງຄວາມເຂັ້ມແຂງໃຫ້ແກ່ໂຮງຮຽນອາຊີວະສຶກສາ ແລະ ເປັນການຂະຫຍາຍຄູ່ຮ່ວມມືໃນສະຖານປະກອບການທັງພາກລັດ ແລະ ເອກະຊົນຫຼາຍຂຶ້ນກວ່າເກົ່າ. ຂະນະທີ່ທ່ານ ຢູເວີຍ ຫົວໜ້າສູນການສຶກສາກົນລາວ-ຈີນ ວິທະຍາໄລເຕັກນິກປາກປ່າສັກ ນະຄອນຫຼວງວຽງຈັນ ໄດ້ຍົກໃຫ້ເຫັນການພັດທະນາຊັບພະຍາກອນມະນຸດລະຫວ່າງສອງປະເທດເປັນຄູ່ຮ່ວມມືໂດຍໃນການສົ່ງຄູອາຈານ, ນັກຮຽນໄປຮຽນຕໍ່ພາສາຈີນນັ້ນຕ້ອງໄດ້ກຽມພາສາຈີນ ຈຶ່ງສາມາດເຊື່ອມຕໍ່ລະດັບວິຊາສະເພາະ ເຊິ່ງເປັນສິ່ງສຳຄັນໃນການສື່ສານວຽກງານລະຫວ່າງປະເທດ ແລະ ປະກອບເຂົ້າໃນໜ້າທີ່ວຽກງານພັດທະນາເສດຖະກິດ-ສັງ ຄົມລະຫວ່າງ ສອງປະເທດ.

ໂຮງຮຽນເຕັກນິກ-ວິຊາຊີບແບບປະສົມແຂວງຫຼວງນ້ຳທາ ຈະເປີດສອນພາສາຈີນທັງຊັ້ນຕົ້ນ, ຊັ້ນກາງ ແລະ ຊັ້ນສູງ(HSK3, HSK4) ໂດຍພາກຮຽນໜຶ່ງໃຊ້ເວລາຮຽນ 2 ເດືອນ ເປີດຮຽນວັນຈັນ ຫາ ວັນສຸກ ແລະ ມີ 3 ພາກຄື ພາກເຊົ້າ, ບ່າຍ ແລະ ພາກຄໍ່າ ໂດຍມີ 3 ຫ້ອງຮຽນ ຫ້ອງລະ 20 ຄົນ. ນັກຮຽນຈະໄດ້ຮຽນທັງພາກທິດສະດີ ແລະ ພາກປະຕິບັດ ຕາມຫຼັກສູດໃດໜຶ່ງທີ່ມີການຮຽນ-ການສອນໃນສະຖານການ ສຶກສາຄື ສູນ, ໂຮງຮຽນເຕັກນິກວິຊາກຊີບ, ວິທະຍາໄລ ແລະ ສະຖາບັນຕ້ອງການຢັ້ງຢຶນໃຫ້ຖືກຕ້ອງຕາມລະບຽບ ແລະ ກົດໝາຍ.