6 ສາເຫດ ທີ່ເຮັດໃຫ້ຜົມຫລົ່ນ
ເມື່ອເຫັນຜົມຫລົ່ນເວລາສະຫົວ ຈົນເຮັດໃຫ້ຜົມໜ້ອຍ ລົງກ່ອນໄວອັນຄວນ ເຖິງວ່າຈະບໍາລຸງປານໃດກໍຕາມ, ທ່ານເຄີຍຄິດບໍ່ວ່າມັນອາດຈະບໍ່ໄດ້ຂຶ້ນກັບການບໍາລຸງຜົມ ແຕ່ຂຶ້ນຢູ່ກັບພຶດຕິກໍາ ແລະ ການກິນອາຫານ ທີ່ເປັນສາເຫດເຮັດ ໃຫ້ຜົມຫລົ່ນ, ມາເບິ່ງນໍາກັນ 6 ສາເຫດ ທີ່ເຮັດໃຫ້ຜົມຫລົ່ນ:
- ດື່ມເຄື່ອງດື່ມທີ່ມີທາດເຫລົ້າ ແລະ ສູບຢາ: ການດື່ມເຫລົ້າ ແລະ ສູບຢາ ນອກຈາກ ຈະທໍາຮ້າຍອະໄວຍະວະພາຍໃນແລ້ວ ຍັງສົ່ງຜົນຕໍ່ການໄຫລວຽນຂອງເລືອດ ເຮັດໃຫ້ ເລືອດໄຫວວຽນບໍ່ໄດ້ດີເທົ່າທີ່ຄວນ ທັງຍັງສົ່ງຜົນໃຫ້ເຊວອື່ນໆຕາມຮ່າງກາຍເຮັດວຽກ ບໍ່ມີປະສິດທິພາບ ຮູຂົນເປີດ ຈຶ່ງເປັນສາເຫດທີ່ຜົມຫລົ່ນນັ້ນເອງ.
- ໃຊ້ລົມຮ້ອນຈາກໄດເປົ່າຜົມຫລາຍເກີນໄປ: ຄວາມຮ້ອນຈາກໄດເປົ່າຜົມນອກຈາກ ຈະເຮັດໃຫ້ຜົມແຫ້ງແລ້ວ ຍັງຈະເຮັດໃຫ້ໜັງຫົວແຫ້ງຈົນເກີດມີຂີ້ຫົວ ທັງຍັງເປັນ ສາເຫດເຮັດໃຫ້ຜົມຫລົ່ນງ່າຍອີກດ້ວຍ ດັ່ງນັ້ນບໍ່ຄວນເອົາໄດເປົ່າຜົມມາຈຶ້ງໄວ້ຫົວດົນ ຫລື ຫລາຍຈົນເກີນໄປ.
- ເຮັດສີຜົມ,ດັດ, ຍ້ອມຫລາຍເກີນໄປ: ຖ້າທ່ານເປັນຄົນໜຶ່ງທີ່ມັກເຮັດສີຜົມ ຕະຫລອດ ອາດຈະເຄີຍປະສົບບັນຫາເສັ້ນຜົມແຂງ, ຜົມແຕກປາຍ, ແຫ້ງກະດ້າງ ບໍາລຸງເທົ່າໃດກໍບໍ່ເປັນຄືເກົ່າ ມີແຕ່ຕ້ອງຕັດຖິ້ມເທົ່ານັ້ນ ຫລາຍຄົນຄົງຈະຮູ້ແລ້ວວ່ານ້ໍາຢາ ຍ້ອມຜົມມັນມີປະສິດທິພາບຮ້າຍແຮງຕໍ່ເສັ້ນຜົມ ແລະ ໜັງຫົວ ທີ່ເປັນສາເຫດໜຶ່ງເຮັດໃຫ້ຜົມຫລົ່ນ.
4. ຫວີຜົມແຮງ ແລະ ຕອນປຽກ: ຜູ້ຍິງທີ່ມີຜົມຍາວອາດຈະມັກຫວີຜົມທຸກໆຊົ່ວໂມງ ຫລື ຫວີຜົມຕອນທີ່ມັນປຽກຢູ່ ການກະທໍານີ້ມັນເປັນ ການທໍາຮ້າຍຜົມໂດຍບໍ່ຮູ້ໂຕ ເພາະນອກຈາກການຫວີຜົມຈະເຮັດໃຫ້ຜົມຫລົ່ນແລ້ວຍັງເຮັດໃຫ້ຜົມແຫ້ງອີກດ້ວຍ.
5.ກິນອາຫານລົດຊາດເຂັ້ມຂຸ້ນ: ຫລາຍຄົນອາດຈະຄິດບໍ່ເຖິງວ່າການອາຫານການກິນ ຈະສົ່ງຜົນກະທົບຕໍ່ເສັ້ນຜົມ ການກິນອາຫານລົດຊາດ ເຂັ້ມ ຂຸ້ນຈະເຮັດໃຫ້ເກີດພາວະ ຄວາມດັນເລືອດສູງ ເຮັດໃຫ້ເສັ້ນເລືອດຫົດລົງ ສົ່ງຜົນໃຫ້ເລືອດໄປລ້ຽງຮາກຜົມໄດ້ ໜ້ອຍລົງ ແລະ ຮາກຜົມບໍ່ແຂງແຮງເທົ່າທີ່ຄວນ.
6.ສະຫົວທຸກມື້: ໃຜທີ່ມີໜັງຫົວມັນ ຫລື ຄົນທີ່ອອກກໍາລັງກາຍທຸກມື້ຈົນຕ້ອງໄດ້ ສະຫົວທຸກມື້, ຄວາມຈິງແລ້ວການສະທຸກມື້ຈະເຮັດໃຫ້ໜັງຫົວແຫ້ງ ຈົນມີຂີ້ຫົວ ແລະ ຜົມຫລົ່ນ.
