ປກສ ໄຊທານີ ເລັ່ງສືບສວນຫາເຈົ້າຂອງຢາບ້າ 46.000 ເມັດທີ່ຖິ້ມໄວ້ຂ້າງທາງມາດຳເນີນຄະດີ

ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ: ໃນວັນທີ 22 ພຶດສະພາ 2022, ເຈົ້າໜ້າທີ່ ປກສ ກຸ່ມດົງໂດກ ກອງບັນຊາການ ປກສ ເມືອງ ຈຶ່ງໄດ້ແຕ່ງຕັ້ງພະນັກງານໜ່ວຍ ງານ 303 ສົມທົບກັບພາກສ່ວນທີ່ກ່ຽວຂ້ອງລົງກວດກາສະຖານທີ່ເກີດເຫດ ພາຍຫລັງໄດ້ຮັບແຈ້ງ ປະຊາຊົນທີ່ໄປເກັບເຫັດ ຢູ່ ປ່າເຂດບ້ານຫ້ວຍເຕີຍ ຫາ ດ່ານຊ້າງ ເມືອງໄຊທານີ ໄປພົບເຫັນວັດຖຸຄ້າຍຄືສິ່ງຜິດກົດໝາຍ ຖືກຖິ້ມໄວ້ໃນປ່າຂ້າງ ເສັ້ນທາງໃຫຍ່ ລະຫວ່າງບ້ານຫ້ວຍເຕີຍ ຫາ ບ້ານໂນນສະອາດ.

ເຈົ້າໜ້າທີ່ກວດກາພົບວ່າ ສິ່ງດັ່ງກ່າວນັ້ນແມ່ນຢາບ້າຈໍານວນ 7 ແແພັກກ ແລະ 20 ຖົງນ້ອຍ ຈໍານວນ 46.000 ເມັດເຈົ້າໜ້າທີ່ຈຶ່ງໄດ້ ເຮັດບົດບັນທຶກແລ້ວເກັບກູ້ຂຶ້ນມາຮັກສາໄວ້ ຢູ່ທີ່ ປກສ ເມືອງໄຊທານີ ແລະ ເລັ່ງສືບສວນຫາເຈົ້າຂອງຢາເສບຕິດຈໍານວນດັ່ງກ່າວມາຮັບໂທດຕາມລະບຽບກົດໝາຍ.