ທຳລາຍລະເບີດບົ່ມບີ່ B24 ຈຳນວນ 2 ລູກ ຢູ່ບ້ານແກ່ວກວ້າງ

ວັນທີ 29 ພຶດສະພາ 2022 ທີ່ຜ່ານມາ, ຢູ່ທີ່ບ້ານແກ່ວກວ້າງ ເມືອງວັງວຽງ, ໂດຍການນຳພາທີມໂຄສະນາຂອງ ທ່ານ ພັຕ ເພັດສະຫມອນ ຄຸນທະນົນ ຫົວຫນ້າຊີ້ນຳລວມພາກສະຫນາມປະຈຳເມືອງວັງວຽງ. ມີບັນດາທ່ານວິຊາການ, ຜູ້ປະສານ, ອຳນາດການປົກຄອງບ້ານ ເຂົ້າຮ່ວມ.

ກອງກວດກູ້ລະເບີດ ໄດ້ປະຕິບັດການ ທຳລາຍລະເບີດບໍ່ທັນແຕກ ຊະນິດລູກບົ່ມບີ່ B24ຈຳນວນ 2 ລູກ ທີ່ຕົກຄ້າງສະໄໝປາງສົງຄາມ ຢູ່ທີ່ບ້ານແກ່ວກວ້າງ ເມືອງວັງວຽງ ເຊິ່ງລາຍລາຍລະອຽດການປະຕິບັດການທຳລາຍລະເບີດລູກບົມຄັ້ງນີ້ ແມ່ນເນື່ອງມາຈາກ ພາຍຫຼັງທີ່ໄດ້ຮັບການລາຍງານຈາກອຳນາດການປົກບ້ານ ແກ່ວກວ້າງ ຜູ້ປະສານງານກໍ່ໄດ້ສົມທົບກັບ ກອງກວດກູ້ລະເບີດ ຈາກນັ້ນ ກໍ່ໄດ້ ກະກຽມວາງແຜນເປັນອັນລະອຽດ ໂດຍໄດ້ແຕ່ງຕັ້ງພະນັກງານວິຊາ ທີມງານລົງສໍາຫຼວດ, ເກັບກຳຂໍ້ມູນ ເພື່ອປະເມີນຄວາມອັນຕະລາຍ ທີ່ອາດຈະເກີດຂຶ້ນຈາກລູກລະເບີດດັ່ງກ່າວ.

ຈາກການສຳຫຼວດປະເມີນໃນພື້ນທີ່ຕົວຈິງ ສາມາດກຳໄດ້ຈຸດພິກັດທີ່ຕັ້ງຂອງລູກລະເບີດ ທີ່ພົບເຫັນຢູ່ສວນຂອງປະຊາຊົນ ແລະ ຄວາມອັນຕະລາຍຮ້າຍແຮງຂອງມັນ ອາດຈະເກີດຂຶ້ນກັບຊິວິດ, ຊັບສີນຂອງປະຊາຊົນ.
ພ້ອມກັນນັ້ນ, ກໍ່ໄດ້ເຊີນເອົາພາກສ່ວນກຽ່ວຂ້ອງມາປືກສາຫາລືຫາທາງອອກຮ່ວມກັນ ແລ້ວກໍ່ໄດ້ ທຳລາຍລະເບີດບົ່ມບີ່ B24 ຈຳນວນ 2 ລູກ ຢູ່ຈຸດພິກັດທີ່ພົບເຫັນດັ່ງກ່າວເລີຍ.