ຍິງປືນ ໄອພີເອັສຊີລາວ ກຽມຮ່ວມລາຍການຊີງແຊ໊ມໂລກ ທີ່ປະເທດຝຣັ່ງ ທ້າຍເດືອນນີ້

ສະໂມສອນຍິງປືນ ໄອພີ ເອັສຊີລາວ ກຽມສົ່ງ 3 ນັກກິລາ ແມ້ນປືນລາວ ປະເພດ ໄອພີເອັສ ເຂົ້າຮ່ວມແຂ່ງຂັນກິລາຍິງປືນ ໄອພີເອັສຊີ ຊີງແຊ໊ມໂລກ ຈະຈັດ ຂຶ້ນໃນລະຫວ່າງວັນທີ 28 ສິງ ຫາ ຫາ ວັນທີ 2 ກັນຍາ 2017 ທີ່ເມືອງຊັດຕູລູ ປະເທດຝຣັ່ງ ຮັບກຽດເປັນເຈົ້າພາບ ໂດຍ ລາຍການດັ່ງກ່າວຄາດວ່າຈະມີ 84 ປະເທດໃນທົ່ວໂລກເຂົ້າ ຮ່ວມແຂ່ງຂັນ.
ຕາມການເປີດເຜີຍຂອງ ທ່ານ ພຸດທະສັກ ສຸກອາລຸນ ປະ ທານສະໂມສອນຍິງປືນ ໄອພີ ເອັສຊີລາວ ໃຫ້ຮູ້ວ່າ: ເພື່ອເປັນ ການຈັດຕັ້ງປະຕິບັດແຜນການ ພັດທະນາກິລາ ໄອພີເອັສຊີລາວ ໃຫ້ມີຄຸນນະພາບ ແລະ ມີປະສິດ ມິພາບ ສາມາດສ້າງຜົນງານ ໃຫ້ແກ່ປະເທດຊາດ ໃນການເຂົ້າ ຮ່ວມແຂ່ງຂັນລາຍການຕ່າງໆ ໃນລະດັບພາກພຶ້ນ ແລະ ສາກົນ ຕໍ່ໜ້າ. ດັ່ງສະເພາະພາຍປີ 2017 ນີ້ ສະໂມສອນຍິງປືນ ໄອພີເອັສຊີລາວ ຈະໄດ້ສົ່ງ 3 ນັກກິລາຍິງປືນລາວ ເຂົ້າຮ່ວມ ແຂ່ງຂັນຍິງປືນ ໄອພີເອັສຊີ ລາຍການຊີງແຊ໊ມໂລກ ທີ່ເມືອງ ຊັດຕູລູ ປະເທດຝຣັ່ງ ຮັບກຽດ ເປັນເຈົ້າພາບ ໂດຍລາຍການດັ່ງ ກ່າວ ຄາດວ່າຈະມີນັກກິລາສີມື ດີໃນທົ່ວໂລກເຂົ້າຮ່ວມແຂ່ງຂັນ 84 ປະເທດ. ໃນນັ້ນຈະມີການ ແຂ່ງຂັນປືນ ໄອພີເອັສຊີ 5 ປະ ເພດຄື: ປະເພດໂປດັກຊັນ, ລີ ໂວນເວີ, ສະແຕນດາດ, ຄາຊິກ ແລະ ໂອເພັ່ນ ແຂ່ງຂັນ 30 ສະ ໜາມ.
ທ່ານ ພຸດທະສັກ ສຸກອາ ລຸນ ກ່າວຕື່ມອີກວ່າ: ໃນການກະ ກຽມເຂົ້າຮ່ວມແຂ່ງຂັນລາຍ ການດັ່ງກ່າວ ນັກກິລາຍິງປືນ ໄອພີເອັສຊີລາວ 3 ຄົນ ທ້າວ ສິງ ຄຳ ສີປະເສີດ, ທ້າວ ອະໂນໄທ ເມືອງມະນີ ແລະ ທ້າວ ສຸນັນ ວັດທະນະບູນ ໄດ້ມີການເກັບໂຕ ເຝິກຊ້ອມຢ່າງເປັນປົກກະຕິຢູ່ທີ່ ສະໜາມກິລາຍິງປືນ 5 ເມສາ ພ້ອມທັງສົ່ງເຂົ້າຮ່ວມແຂ່ງຂັນ ຍິງປືນ ໄອພິເອັສຊີ ນາໆຊາດ ທີ່ ແຂວງພູເກັດ ປະເທດໄທ ເມື່ອ ບໍ່ດົນມານີ້ ເຖິງວ່ານັກກິລາທັງ 3 ຈະບໍ່ມີຜົນງານໃດກໍຕາມ ແຕ່ ສາມາດຕີລາຄາໄດ້ສູງທຸກຄົນ ມີການພັດທະນາໃນລະດັບທີ່ດີ ຂຶ້ນ ແລະ ການເຂົ້າຊີງແຊ໊ມໂລກ ຄັ້ງນີ້ ກໍເປັນຄັ້ງທຳອິດທີ່ໄດ້ສົ່ງ ນັກກິລາເຂົ້າຮ່ວມ ເພາະງານນີ້ 4 ປີ ຈະຈັດຂຶ້ນພຽງ 1 ຄັ້ງ ໂດຍ ກຳນົດແຕ່ລະປະເພດທີ່ມີເງື່ອນ ໄຂໃນທົ່ວໂລກ ພັດປ່ຽນກັນເປັນ ເຈົ້າພາບຈັດແຂ່ງຂັນ. ນອກ ຈາກງານດັ່ງກ່າວ ຍັງໄດ້ມີແຜນ ຈະຈັດແຂ່ງຂັນຊີງແຊ໊ມນາໆ ຊາດ ທີ່ ສປປ ລາວ ເປັນເຈົ້າ ພາບ ລາຍການ ໄອພິເອັສຊີ ເລ ໂວ 3 ໃນເດືອນຕຸລາ ແລະ ສືບຕໍ່ ສົ່ງນັກກິລາເຂົ້າຮ່ວມແຂ່ງຂັນ ຊີງແຊ໊ມນາໆຊາດ ທີ່ແຂວງພູ ເກັດ ໃນທ້າຍປີນີ້.
ຂ່າວຈາກ:laosportnews.com.