ຈີນ ເປີດສະຫນາມເອຊຽນເກມ ໃຫ້ປະຊາຊົນໃຊ້ງານ ຫລັງເລື່ອນການແຂ່ງຂັນ

ຫລັງຈາກທີ່ ສປ ຈີນ ປະກາດເລື່ອນການແຂ່ງຂັນກີລາເອຊຽນເກມ ຄັ້ງທີ 19 ‘‘ຫ່າງໂຈ 2022’’ ເຊິ່ງຕາມກຳນົດເກ່ົາຈະຈັດການແຂ່ງຂັນທ້າຍປີນີ້ ເລື່ອນອອກໄປເປັນປີຫນ້າ ເພາະການແຜ່ລະບາດຂອງໄວຣັສ ໂຄວິດ-19 ໃນປະເທດທີ່ຍັງຄົງແຜ່ລະບາດຢ່າງຫນັກ ໂດຍຍັງບໍ່ມີການປະກາດກຳນົດການວັນແຂ່ງຂັນໃຫມ່ອອກມາ.

ຫລ້າສຸດ ຄະນະກຳມະການຈັດການແຂ່ງຂັນຫາງໂຈ 2022 ໄດ້ເປີດສະຫນາມແຂ່ງຂັນຕ່າງໆທີ່ໄດ້ກຽມໄວ້ຮັບການແຂ່ງຂັນໃຫ້ປະຊາຊົນໄດ້ເຂົ້າໄປໃຊ້ ແຕ່ຈະເກັບຄ່າໃຊ້ບໍລິການຕາມຄວາມເຫມາະສົມ ລວມທັງຫາງໂຈ ໂອລິມປິກ ສະເຕດ້ຽມ ສະຫນາມກິລາຫລັກທີ່ຈະໃຊ້ໃນພິທີເປີດ-ປິດ ເອຊຽນເກມນຳອີກ.