ເຊວຊີ ປະກາດ “ທັອດ ໂບລີ່” ເປັນເຈົ້າຂອງ ສະໂມສອນຢ່າງເປັນທາງການແລ້ວ

ເຊວຊີ ໄດ້ຢືນຢັນວ່າ ທັອດ ໂບລີ່ ໄດ້ສໍາເລັດການຊື້ສະໂມສອນ ແລະ ກາຍເປັນເຈົ້າຂອງຄົນໃຫມ່ຂອງສະໂມສອນຢ່າງເປັນທາງການ

ກ່ອນໜ້ານີ້ ພຣີເມຍລີກ ແລະ ລັດຖະບານອັງກິດ ໄດ້ອະນຸມັດຂໍ້ສະເໜີມູນຄ່າ 4.25 ຕື້ປອນ ຈາກກຸ່ມມະຫາເສດຖີອາເມຣິກາຢ່າງ ທັອດ ໂບລີ່ ເຂົ້າມາຄອບຄອງ. ໂດຍກວດສອບໃຫ້ແນ່ນອນແລ້ວວ່າເງິນຈະບໍ່ໃຫ້ໄປເຖິງ ໂຣມັນ ອັບຣາໂມວິຊ ອະດີດເຈົ້າຂອງສະໂມສອນ ທີ່​ຖືກຄວຳ້ບາດຢູ່ໃນຕອນນີ້

ລ່າສຸດ, ຂະບວນການຂາຍສະໂມສອນໄດ້ສໍາເລັດແລ້ວ ເຮັດໃຫ້ ທັອດ ໂບລີ່ ເປັນເຈົ້າຂອງຄົນໃຫມ່ຂອງສະໂມສອນແບບເຕັມໂຕ. ຖືເປັນການສິ້ນສຸດຍຸກຂອງ ໂຣມັນ ອັບຣາໂມວິຊ ໄປໂດຍປະລິຍາຍ