ສປປ.ເກົາຫລີ ຍົກເລີກມາດຕະການຈຳກັດການເດີນທາງປະຊາຊົນ
May 30, 2022 - 3:48 PM
ສຳນັກຂ່າວ ສູນກາງເກົາຫລີ (KCNA) ລາຍງານຂ່າວວັນທີ 30 ພຶດສະພາ 2022 ນີ້, ສປປ ເກົາຫລີ ໄດ້ຍົກເລີກ ມາດຕະການຈຳກັດການເດີນທາງ ຂອງປະຊາຊົນ ໃນນະຄອນຫລວງ ປຽນຢາງ ທີ່ປະກາດໃຊ້ຕັ້ງແຕ່ ພົບຜູ້ຕິດເຊື້ອ ໂຄວິດ-19 ຫລັງຈາກ ສປປ ເກົາຫລີ ສາມາດຄວບຄຸມການແພ່ລະບາດ ໂຄວິດ-19ໄດ້ແລ້ວ.
ທ່ານ Kim Jong Un ຜູ້ນຳສູງສຸດ ສປປ ເກົາຫລີ ໄດ້ຈັດ ກອງປະຊຸມ ຄະນະກຳມະການ ບໍລິຫານ ສູງສຸດ ຂອງພັກແຮງງານ ສປປ ເກົາຫລີ ເພື່ອປຶກສາ ຫາລືກ່ຽວກັບ ການປັບປ່ຽນ ມາດຕະການ ປ້ອງກັນ ການແພ່ລະບາດ ຂອງໂຄວິດ-19 ລວມທັງ ປະເມີນ ສະຖານະການ ລະບາດ ໃນປະເທດ ທີ່ມີທ່າອ່ຽງ ດີຂຶ້ນ. ປັດຈຸບັນ ສສປ ເກົາຫລີ ມີຜູ້ຕິດເຊື້ອ ລາຍໃໝ່ 100.710 ຄົນ ຫລຸດລົງ 390.000 ຄົນ ເມື່ອສອງອາທິດ ກ່ອນໜ້ານີ້ ແລະ ມີຜູ້ເສຍຊີວິດ ທັງໝົດ 70ຄົນ.
